ഇസ്താംബൂൾ : തുർക്കിയിൽ ഭൂകമ്പത്തിനിടെ ഇന്ത്യക്കാരനെ കാണാതായി. ബിസിനസ് ആവശ്യങ്ങൾക്കായി തുർക്കിയിലേക്ക് പോയ ബംഗളൂരു സ്വദേശിയെയാണ് കാണാതായത്. 10 ഇന്ത്യക്കാർ രാജ്യത്ത് കുടുങ്ങിക്കിടക്കുന്നതായി കേന്ദ്ര സർക്കാർ അറിയിച്ചു. എന്നാൽ ഇവർ സുരക്ഷിതരാണ്.
3,000 ത്തോളം ഇന്ത്യക്കാരാണ് തുർക്കിയിലുള്ളത് എന്ന് കേന്ദ്ര വിദേശകാര്യ മന്ത്രാലയം അറിയിച്ചു. തുർക്കിയിലെ അദാനയിൽ കൺട്രോൾ റൂം സജ്ജീകരിച്ചിട്ടുണ്ട്. 10 പേർ കുടുങ്ങിക്കിടക്കുന്നുണ്ടെങ്കിലും എല്ലാവരും സുരക്ഷിതരാണ്. ബിസിനസ് ആവശ്യങ്ങൾക്കായി രാജ്യത്തെത്തിയ ഒരാളെ കാണാതായി. അയാളുടെ കുടുംബവും ഓഫീസുമായി ബന്ധപ്പെട്ടുവെന്നും സെക്രട്ടറി സഞ്ജയ് വർമ്മ അറിയിച്ചു.
രക്ഷാപ്രവർത്തനത്തിന്റെ ഭാഗമായി തുർക്കിയിലേക്കും സിറിയയിലേക്കും റെസ്ക്യൂ ടീമിനെ അയയ്ക്കുന്നുണ്ടെന്ന് വിദേശകാര്യ മന്ത്രി എസ് ജയ്ശങ്കർ അറിയിച്ചിരുന്നു. ഓപ്പറേഷൻ ദോസ്ത്തിന് കീഴിലാണ് സംഘത്തെ തുർക്കിയിലേക്ക് അയയ്ക്കുന്നത്.
Discussion about this post