തിരുവനന്തപുരം: സുപ്രീം കോടതി മുൻ ജഡ്ജി ജസ്റ്റിസ് അബ്ദുൾ നസീറിനെ ആന്ധ്രാ പ്രദേശ് ഗവർണറായി നിയമിച്ച കേന്ദ്ര സർക്കാരിന്റെ നടപടിക്കെതിരെ സിപിഎം എം പി, എ എ റഹിം. കേന്ദ്ര സർക്കാരിന്റെ തീരുമാനം അങ്ങേയറ്റം അപലപനീയമാണ്. തീരുമാനം ഭരണഘടനാ മൂല്യങ്ങൾക്ക് ചേർന്നതല്ലെന്നും റഹിം പറഞ്ഞു.
കേന്ദ്ര സർക്കാരിന്റെ വാഗ്ദാനം ജസ്റ്റിസ് അബ്ദുൾ നസീർ നിരസിക്കുകയാണ് വേണ്ടത്. രാജ്യത്ത് നിയമ വ്യവസ്ഥയിലുള്ള വിശ്വാസം നഷ്ടപ്പെടാൻ തീരുമാനം കാരണമാകും. ഇത്തരം തീരുമാനങ്ങൾ ജനാധിപത്യത്തിന് കളങ്കമാണെന്നും റഹിം ആരോപിച്ചു.
രാജ്യത്തെ 13 സംസ്ഥാനങ്ങളിലെ ഗവർണർമാരെ മാറ്റാൻ ഇന്ന് കേന്ദ്ര സർക്കാർ തീരുമാനിച്ചിരുന്നു. ഏഴിടങ്ങളിൽ ഗവർണർമാരെ മാറ്റാനും ആറിടങ്ങളിൽ പുതിയ ഗവർണർമാരെ നിയമിക്കാനുമാണ് രാഷ്ട്രപതിയുടെ ഉത്തരവ്. സുപ്രീംകോടതി മുൻ ജഡ്ജി ജസ്റ്റിസ് എസ്.അബ്ദുൾ നസീറിനെ ആന്ധ്ര ഗവർണറായി നിയമിക്കാനുള്ള തീരുമാനത്തിനെതിരെയാണ് ഇടതുപക്ഷത്തിന് പ്രധാനമായും എതിർപ്പുള്ളത്.
Discussion about this post