കൂടുതൽ ആഴത്തിൽ പഠിക്കുംതോറും അത്ഭുതം ഏറി വരുന്ന ഒന്നാണ് നമ്മുടെ ചരിത്രം. ഇത്തരത്തിൽ ചരിത്രം തേടിയുള്ള യാത്രയിലാണ്, സായ് നാഥ് മേനോൻ കോമാരി കല്ല് പരിചയപ്പെടുത്തുന്നത്. പശു ഉൾപ്പടെയുള്ള കന്നുകാലികൾക്ക് വരുന്ന അസുഖങ്ങൾ മാറാൻ വേണ്ടിയും,അസുഖങ്ങൾ വരാതെ ഇരിക്കാൻ വേണ്ടിയും തമിഴ് നാട്ടിലെ ഉൾ ഗ്രാമങ്ങളിൽ ചില മന്ത്രങ്ങൾ എഴുതി വച്ച കല്ലുകൾ കാണാം . ഇവയാണ് കോമാരി കല്ലുകൾ.
മഞ്ഞൾ ,കുങ്കുമം എന്നിവ എല്ലാം ഈ കല്ലുകളിൽ അണിഞ്ഞിട്ടുണ്ടാകും. തങ്ങളുടെ കന്നുകാലികളുടെ ആരോഗ്യത്തിനു വേണ്ടിയാണ് പ്രധാനമായും ആരാധന നടത്തുന്നത്. ഗോമാരി ആണ് പിന്നീട് കോമാരി ആയി മാറിയത് .ഗോ എന്നാല് പശു എന്നും മാരി എന്നാല് പകർച്ച വ്യാധി എന്നർത്ഥം വരും.കുളമ്പ് രോഗത്തിന് ഗോമാരി എന്നൊരു പേര് കൂടിയുണ്ട്.
കന്നുകാലികളെ ജീവനായി കാണുന്ന മനുഷ്യർ നൂറ്റാണ്ടുകളായി ഇത്തരം ആചാരങ്ങൾ തുടർന്ന് പോരുന്നു.സംഘകാലം മുതൽ തന്നെ അവർ കന്നുകാലികൾക്ക് വേണ്ടി ആ തീണ്ട് കുറി കല്ലുകൾ, കോമാരി കല്ലുകൾ എന്ന് വച്ച് തുടങ്ങിയിരുന്നു എന്ന് ചരിത്രം പറയുന്നു. കോമാരി കല്ലിനും ഒരു അമ്മ സങ്കല്പം ഉണ്ട്. മനുഷ്യർക്ക് വരുന്ന വസൂരി,ചിക്കൻ പോക്സ്, പോലെയുള്ള പകർച്ച വ്യാധികൾ മാറാൻ വേണ്ടി മാരി കല്ല് വച്ച് നമ്മുടെ പൂർവികർ ആരാധിച്ചിരുന്നു.
Discussion about this post