പഠനത്തോടൊപ്പം അത്യവശ്യം പോക്കറ്റ് മണിക്ക് വേണ്ടി കുഞ്ഞ് കുഞ്ഞ് ജോലി ചെയ്യുന്ന കുട്ടികളെ നമുക്ക് ചുറ്റും ഒന്ന് കണ്ണോടിച്ചാൽ കാണാനാവും. പോക്കറ്റ് മണിയ്ക്ക് വേണ്ടി മാത്രമല്ല, കുടുംബത്തിന് താങ്ങാവാനും പല കുട്ടികളും നന്നേ ചെറുപ്പത്തിലേ ജോലി ചെയ്യാറുണ്ട്.
ഓസ്ട്രേലിയയിലെ പിക്സി എന്ന 11 കാരിയും കുഞ്ഞ് പ്രായത്തിലേ ഒരു ബിസിനസ് സംരംഭം കെട്ടിപ്പടുത്തയാളാണ്. കളിപ്പാട്ട ബസിനസിലാണ് അവൾ ശ്രദ്ധ കേന്ദ്രീകരിച്ചത്. കുഞ്ഞ് പിക്സിയുടെ ബിസിനസ് വളരെ വേഗം ആളുകൾ ഏറ്റെടുക്കുകയും മാസം ഏകദേശം 1.6 കോടി രൂപ അവൾക്ക് വരുമാനമുണ്ടാക്കി നൽകുകയും ചെയ്തു.
എന്നാലിതാ പിക്സി തന്റെ ബിസിനസിൽ നിന്ന് വിരമിക്കാൻ പോവുകയാണ്. ബിസിനസ് തകർന്നത് കൊണ്ടോ മടുത്തിട്ടോ അല്ല, അവളിങ്ങനെ ഒരു തീരുമാനം എടുത്ത.് പഠനത്തിൽ ശ്രദ്ധ കേന്ദ്രീകരിക്കാൻ വേണ്ടിയാണ് ബിസിനസിൽനിന്ന് വിരമിക്കാൻ പെൺകുട്ടി തീരുമാനിച്ചത്. പിക്സിയുടെ പഠനം തുടരാൻ വേണ്ടി ബിസിനസ് എങ്ങനെ കൈകാര്യം ചെയ്യണമെന്ന് വീട്ടുകാർ ചർച്ച ചെയ്യാൻ തുടങ്ങിയിട്ട് കുറച്ച് മാസങ്ങളായി. അതിനൊടുവിലാണ് പിക്സി ബിസിനസിൽനിന്ന് പൂർണമായി വിട്ടുനിൽക്കാൻ തീരുമാനിച്ചത്.
പിക്സി വിട്ടിനിൽക്കുമെങ്കിലും അവരുടെ ഓൺലൈൻ സ്റ്റോർ ശക്തമായി മുന്നോട്ടുപോകുമെന്നാണ് ഓസ്ട്രേലിയയിലെ വിപണി വിദഗ്ദ്ധർ പറയുന്നത്.മൂന്ന് വർഷം മുമ്പ് ആരംഭിച്ച പിക്സിയുടെയും കുടുംബത്തിൻറെയും ഓൺലൈൻ ബിസിനസ്സ് ഇപ്പോൾ ഓസ്ട്രേലിയൻ കുട്ടികൾക്കിടയിൽ ഒരു ജനപ്രിയ ബ്രാൻഡായി മാറിയിട്ടുണ്ട്.
Discussion about this post