ചുറ്റും നോക്കിനില്ക്കുന്ന ആള്ക്കൂട്ടത്തെ ആ കുഞ്ഞ് ലന്ഗൂര് കുരങ്ങ് വകവെച്ചില്ല, അവരെക്കണ്ട് ഭയന്നോടിയില്ല. മുന്നില് ചേതനയറ്റ് കിടക്കുന്ന അമ്മക്കുരങ്ങിന്റെ മുഖം പിടിച്ചുകുലുക്കി എഴുന്നേല്പ്പിക്കാന് നോക്കുകയായിരുന്നു ആ കുട്ടിക്കുരുങ്ങ്. അമ്മ എഴുന്നേല്ക്കുന്നില്ലെന്ന് കണ്ടപ്പോള് അവന് ഏങ്ങിക്കരഞ്ഞു. അസമില് നിന്നുള്ളതായിരുന്നു ഈ ഉള്ളുലയ്ക്കുന്ന കാഴ്ച.
ഐഎഫ്എസ് ഓഫീസറായ സുശാന്ത നന്ദയാണ് ഈ വീഡിയോ ട്വിറ്ററില് ഷെയര് ചെയ്തത്. അസമിലെ ഒരു റോഡില് അമിതവേഗത്തില് വന്ന വണ്ടിയിടിച്ച് മരിച്ച അമ്മക്കുരങ്ങിന്റെ അരികില് നിന്നും മാറാതെ ഉറക്കെ കരയുന്ന കുട്ടിക്കുരങ്ങിന്റെ വീഡിയോ ഇന്റെര്നെറ്റ് ലോകത്തെയൊന്നാകെ നൊമ്പരത്തിലാഴ്ത്തി.
This will hunt me for a long long time💔💔
A Golden langur assassinated on the road in Assam. The baby still in its arm not knowing what has befallen him.I am informed that all steps are being taken to save the baby. pic.twitter.com/iMOcEHquZw
— Susanta Nanda (@susantananda3) February 24, 2023
ദീര്ഘനാള് ഈ ദൃശ്യം തന്നെ വേട്ടയാടുമെന്ന് പറഞ്ഞുകൊണ്ടാണ് സുശാന്ത നന്ദ വീഡിയോ പങ്കുവെച്ചിരിക്കുന്നത്. അത്രപെട്ടെന്ന് ഈ കുട്ടിക്കുരങ്ങിന്റെ മുഖം കാഴ്ചക്കാരുടെ ഉള്ളില് നിന്ന് മായില്ല എന്നതാണ് വാസ്തവം. വണ്ടി ഇടിക്കുമ്പോള് കുട്ടിക്കുരങ്ങും അമ്മക്കുരങ്ങിന്റെ കൈകളില് ഉണ്ടായിരുന്നു. കുട്ടിക്കുരങ്ങിനെ രക്ഷിക്കാനുള്ള എല്ലാ നടപടികളും എടുത്തതായാണ് തനിക്ക് ലഭിച്ചിരിക്കുന്ന വിവരമെന്നും ഓഫീസര് ട്വിറ്ററിലൂടെ അറിയിച്ചു.
