ട്വന്റി-20 ലോകകപ്പിന് ശേഷം സഞ്ജു സാംസണെ ടീമിൽ നിന്ന് തഴയേണ്ടി വന്നത് തന്റെ പരിശീലക കരിയറിലെ ഏറ്റവും പ്രയാസമേറിയ തീരുമാനമായിരുന്നുവെന്ന് ഇന്ത്യൻ ഹെഡ് കോച്ച് ഗൗതം ഗംഭീർ. അഫ്ഗാനിസ്ഥാനെതിരായ പരമ്പര 3-0ത്തിന് സ്വന്തമാക്കിയതിന് പിന്നാലെയാണ് ഗംഭീർ ഇക്കാര്യം വ്യക്തമാക്കിയത്. ലോകകപ്പിൽ മാൻ ഓഫ് ദ ടൂർണമെന്റ് ആയി തിരഞ്ഞെടുക്കപ്പെട്ട സഞ്ജുവിന്, അതിനുശേഷമുള്ള ഇംഗ്ലണ്ട്, അയർലൻഡ് പര്യടനങ്ങളിൽ അവസരം നഷ്ടപ്പെടുകയും കൗമാരതാരം വൈഭവ് സൂര്യവംശി ടീമിൽ ഇടംനേടുകയും ചെയ്തിരുന്നു.
എന്നാൽ അഫ്ഗാനിസ്ഥാനെതിരായ പരമ്പരയിലൂടെ സഞ്ജുവിനെ വീണ്ടും ഓപ്പണിംഗ് നിരയിലേക്ക് തിരികെ വിളിക്കുകയായിരുന്നു. ആദ്യ മത്സരത്തിൽ തിളങ്ങാൻ കഴിഞ്ഞില്ലെങ്കിലും തുടർളുള്ള മത്സരങ്ങളിൽ അർദ്ധസെഞ്ചുറികളുമായി സഞ്ജു ശക്തമായ തിരിച്ചുവരവാണ് നടത്തിയത്. സഞ്ജുവിന് കൂടുതൽ അവസരങ്ങൾ ലഭിക്കുമെന്നും വൈഭവ് സൂര്യവംശിക്ക് തന്റെ അവസരത്തിനായി കാത്തിരിക്കേണ്ടി വരുമെന്നും ഗംഭീർ വ്യക്തമാക്കി. ലോകകപ്പ് നേടിയ വിജയക്കൊടുമുടിയിലുള്ള ഒരു ടീമിനെ പെട്ടെന്ന് മാറ്റാനാകില്ലെന്നും, മോശം ഫോമിന്റെ പേരിൽ മാത്രം മികച്ച കളിക്കാരെ ഒഴിവാക്കാനാവില്ലെന്നും അദ്ദേഹം കൂട്ടിച്ചേർത്തു. അഫ്ഗാനിസ്ഥാനെതിരായ പരമ്പരയ്ക്ക് ശേഷം ഇന്ത്യൻ ടീം ഇനി ഏഷ്യൻ ഗെയിംസിനായി ജപ്പാനിലേക്ക് തിരിക്കും.
