ന്യൂഡൽഹി; ബിബിസി ഓഫീസുകളിലെ ആദായനികുതി വകുപ്പിന്റെ സർവ്വേ ചർച്ചയിൽ ഉന്നയിച്ച ബ്രിട്ടീഷ് വിദേശകാര്യ മന്ത്രി ജെയിംസ് ക്ലെവർലിയ്ക്ക് വ്യക്തമായ മറുപടി നൽകി വിദേശകാര്യമന്ത്രി എസ് ജയശങ്കർ. ഇന്ത്യയിൽ പ്രവർത്തിക്കുന്ന എല്ലാ സ്ഥാപനങ്ങളും രാജ്യത്തെ നിലവിലെ ചട്ടങ്ങളും നയമങ്ങളും പൂർണമായി പാലിക്കണമെന്ന് എസ് ജയശങ്കർ ചൂണ്ടിക്കാട്ടി. ജി 20 വിദേശകാര്യ മന്ത്രിമാരുടെ യോഗത്തിൽ പങ്കെടുക്കാനാണ് ബ്രിട്ടീഷ് വിദേശകാര്യമന്ത്രി ഇന്ത്യയിലെത്തിയത്.
ന്യൂഡൽഹിയിലേയും മുംബൈയിലെയും ബിബിസി ഓഫീസുകളിലാണ് ആദായനികുതി വകുപ്പ് അധികൃതർ കഴിഞ്ഞമാസം പരിശോധന നടത്തിയത്. പരിശോധനയിൽ ഇന്ത്യയിലെ ബിബിസിയുടെ പ്രവർത്തനങ്ങളിൽ നിന്നും ലഭിച്ച വരുമാനം വിദേശത്തേക്ക് വകമാറ്റിയതുമായി ബന്ധപ്പെട്ടുള്ള പൊരുത്തക്കേടുകൾ കണ്ടെത്തിയതായാണ് സെൻട്രൽ ബോർഡ് ഓഫ് ഡയറക്ട് ടാക്സസ് അറിയിച്ചത്.
വിവിധ ഗ്രൂപ്പ് സ്ഥാപനങ്ങൾ കാണിക്കുന്ന വരുമാനവും ലാഭവും ഇന്ത്യയിലെ പ്രവർത്തനങ്ങളുടെ തോതിന് അനുപാതികമല്ലെന്ന് അധികൃതർ വ്യക്തമാക്കിയിരുന്നു.
Discussion about this post