കൊല്ലം: പോക്‌സോ കേസ് ഇരയെ തൂങ്ങി മരിച്ച നിലയിൽ കണ്ടെത്തി. കുളത്തൂപ്പുഴ സ്വദേശിനിയായ പതിനാറുകാരിയാണ് മരിച്ചത്. ബന്ധുവീടിന് സമീപത്തുള്ള വനത്തിലാണ് മൃതദേഹം കണ്ടെത്തിയത്.
പെൺകുട്ടിയെ കാണാനില്ലെന്ന് കാട്ടി ഈ മാസം അഞ്ചിന് കുട്ടിയുടെ കുടുംബം പോലീസിൽ പരാതി നൽകിയിരുന്നു. അന്വേഷണത്തിൽ ഓയൂരിലുള്ള യുവാവിന്റെ വീട്ടിൽ നിന്നാണ് പെൺകുട്ടിയെ കണ്ടെത്തിയത്. പെൺകുട്ടിക്ക് പ്രായപൂർത്തിയാകാത്തതിനാൽ യുവാവിനെതിരെ പോക്‌സോ ചുമത്തി കോടതി റിമാൻഡ് ചെയ്തു. പെൺകുട്ടിയും യുവാവും തമ്മിൽ അടുപ്പത്തിലായിരുന്നുവെന്ന് പോലീസ് പറഞ്ഞു.
ശാരീരിക പരിശോധനകൾ നടത്തി പെൺകുട്ടിയെ അമ്മയ്‌ക്കൊപ്പം വിട്ടു. കഴിഞ്ഞ ദിവസം ബന്ധുവീട്ടിലെത്തിയ കുട്ടിയെ പിന്നീട് കാണാതാവുകയായിരുന്നു. പിന്നീട് നടത്തിയ പരിശോധനയിലാണ് വനത്തിൽ തൂങ്ങി മരിച്ച നിലയിൽ കണ്ടെത്തിയത്.
Discussion about this post