ന്യൂഡൽഹി : ഓസ്കർ പുരസ്കാരത്തിന് അർഹമായ നാട്ടു നാട്ടു എന്ന ഗാനത്തെ പ്രശംസിച്ച് പ്രധാനമന്ത്രി നരേന്ദ്ര മോദി. അസാധാരണമായ ഗാനം എന്നാണ് അദ്ദേഹം അതിനെ വിശേഷിപ്പിച്ചത്. ട്വിറ്ററിലൂടെ കുറിപ്പും പ്രധാനമന്ത്രി പങ്കുവെച്ചിട്ടുണ്ട്.
” അസാധാരണം ! നാട്ടു നാട്ടു എന്ന ഗാനത്തിന് ആഗോള തലത്തിൽ ജനപ്രീതി ലഭിച്ചിട്ടുണ്ട്. എല്ലായ്പ്പോഴും മനസിൽ തങ്ങി നിൽക്കുന്ന ഗാനമാണത്. എംഎം കീരവാണിക്കും ചന്ദ്രബോസിനും മുഴുവൻ ടീമിനും അഭിനന്ദനങ്ങൾ. ഓസ്കർ പുരസ്കാരത്തിൽ ഇന്ത്യ ആഹ്ലാദിക്കുകയും അഭിമാനിക്കുകയും ചെയ്യുന്നു” പ്രധാനമന്ത്രി കുറിച്ചു.
Exceptional!
The popularity of ‘Naatu Naatu’ is global. It will be a song that will be remembered for years to come. Congratulations to @mmkeeravaani, @boselyricist and the entire team for this prestigious honour.
India is elated and proud. #Oscars https://t.co/cANG5wHROt
— Narendra Modi (@narendramodi) March 13, 2023
മികച്ച ഡോക്യുമെന്ററി ഷോർട്ട് ഫിലിമിനുള്ള ഓസ്കർ പുരസ്കാരം നേടിയ’ദ എലിഫന്റ് വിസ്പറേഴ്സ്’ നെയും അദ്ദേഹം അഭിനന്ദിച്ചു. സുസ്ഥിര വികസനത്തിന്റെയും പ്രകൃതിയുമായി ഇണങ്ങി ജീവിക്കുന്നതിന്റെയും പ്രാധാന്യം അവർ മികച്ച രീതിയിൽ തുറന്നുകാണിക്കുന്നുവെന്ന് അദ്ദേഹം പറഞ്ഞു.
Congratulations to @EarthSpectrum, @guneetm and the entire team of ‘The Elephant Whisperers’ for this honour. Their work wonderfully highlights the importance of sustainable development and living in harmony with nature. #Oscars https://t.co/S3J9TbJ0OP
— Narendra Modi (@narendramodi) March 13, 2023
14 വർഷങ്ങൾക്ക് ശേഷമാണ് ഓസ്കർ പുരസ്കാരം ഇന്ത്യയിലേക്ക് എത്തുന്നത്. മികച്ച ഗാനത്തിനുള്ള ഓസ്കർ പുരസ്കാരമാണ് നാട്ടു നാട്ടു സ്വന്തമാക്കിയത്. സംഗീത സംവിധായകൻ എംഎം കീരവാണിയും ഗാനരചയിതാവ് ചന്ദ്രബോസും ചേർന്നാണ് പുരസ്കാരം ഏറ്റുവാങ്ങിയത്.പുരസ്കാരം ഇന്ത്യയ്ക്ക് സമർപ്പിക്കുന്നതായി കീരവാണി വ്യക്തമാക്കി.
മികച്ച ഡോക്യുമെന്ററി ഷോർട്ട് ഫിലിമിനുള്ള പുരസ്കാരം ‘ദ എലിഫന്റ് വിസ്പറേഴ്സ്’ ന് ലഭിച്ചു. തമിഴ്നാട്ടിലെ മുതുമല ദേശീയോദ്യാനം പശ്ചാത്തലമാക്കി നിർമ്മിച്ച ഡോക്യുമെന്ററിയാണിത്. രഘു എന്ന ആനക്കുട്ടിയെ വളർത്തുന്ന ബൊമ്മന്റേയും ബെല്ലിയുടേയും അഭേദ്യമായ ബന്ധമാണ് എലിഫന്റ് വിസ്പേഴ്സിന്റെ പ്രമേയം. തമിഴിലാണ് ഡോക്യുമെന്ററി ഒരുക്കിയിരിക്കുന്നത്.
