തിരുവനന്തപുരം : രാജാജി നഗറിൽ ദുരിതം അനുഭവിക്കുന്ന കുടുംബങ്ങൾക്ക് സഹായം വാഗ്ദാനം ചെയ്ത നടനും ബിജെപി നേതാവുമായ സുരേഷ് ഗോപി. സ്ഥലത്ത് നേരിട്ടെത്തി അദ്ദേഹം സ്ഥിതിഗതികൾ വിലയിരുത്തി. കുടുംബങ്ങളുടെ പ്രശ്നങ്ങളും ചോദിച്ചറിഞ്ഞു.
രാജാജി നഗറിലെ 151 കുടുംബങ്ങൾ ഇപ്പോഴും വലിയ ദുരിതത്തിൽ കഴിയുന്നതകയാണ്. പ്ലാസ്റ്റ് ഷീറ്റും തകരവും മേൽക്കൂരയാക്കിയ വീടുകളാണ് ഇവിടെ കൂടുതലും. ഇവരുടെ പ്രശ്നങ്ങൾ സുരേഷ് ഗോപി നേരിട്ട് ചോദിച്ചറിഞ്ഞു. തുടർന്ന് സഹായം എത്തിക്കാനുള്ള നടപടികൾ വേഗത്തിലാക്കുമെന്നും ഉറപ്പുനൽകി. അരമണിക്കൂറിലേറെ രാജാജി നഗറിൽ ചെലവിട്ട സുരേഷ് ഗോപി കുട്ടികൾക്ക് മധുരം നൽകിയാണ് മടങ്ങിയത്.
കേന്ദ്ര നഗരവികസന മന്ത്രാലയത്തിന്റെ പദ്ധതിപ്രകാരം ഈ കുടുംബങ്ങൾക്ക് സഹായമെത്തിക്കണമെന്ന് രാജാജി നഗറിലെ ബിജെപി പ്രവർത്തകർ സുരേഷ് ഗോപിയോട് ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് അദ്ദേഹമെത്തി സ്ഥിതിഗതികൾ നേരിട്ട് വിലയിരുത്തിയത്.
കേന്ദ്രനഗരവികസന മന്ത്രാലയത്തിൽനിന്ന് പരമാവധി സഹായം ലഭ്യമാക്കുമെന്നും അതിന് കോർപറേഷന്റെ സഹകരണം ആവശ്യമാണെന്നും സുരേഷ് ഗോപി പറഞ്ഞു. തുടർ നടപടികൾ ഉടൻ സ്വീകരിക്കുമെന്നും അദ്ദേഹം ഉറപ്പുനൽകി.
Discussion about this post