ഗുരുവായൂർ: ഗുരുവായൂർ ക്ഷേത്രത്തിന് മുന്നിലെ വിവാഹമണ്ഡപങ്ങളിൽ രാത്രിയും വിവാഹം നടത്താൻ അനുമതി. ദേവസ്വം ഭരണസമിതിയോഗമാണ് തീരുമാനത്തിന് അംഗീകാരം നൽകിയത്. ശീവേലിക്ക് പുറത്തേക്ക് എഴുന്നള്ളിക്കുന്നത് വരെയാണ് രാത്രി നട തുറന്നിരിക്കുന്നത്. നട അടച്ചിരിക്കുന്ന സമയത്ത് വിവാഹം നടത്തുന്ന പതിവില്ല.
നിലവിൽ രാവിലെ അഞ്ച് മണി മുതൽ ഉച്ചപൂജ കഴിഞ്ഞ് നട അടയ്ക്കുന്ന സമയമായ 1.30 വരെയാണ് വിവാഹങ്ങൾ നടക്കുന്നത്. വൈകിട്ടും രാത്രിയും വിവാഹങ്ങൾ നടക്കുന്ന പതിവില്ല. നായർ സമാജം ജനറൽ കൺവീനർ വി.അച്യുതക്കുറുപ്പ് മകന്റെ വിവാഹം വൈകിട്ട് ക്ഷേത്രത്തിന് മുന്നിൽ നടത്താൻ അനുമതി തേടി ദേവസ്വത്തിന് അപേക്ഷ നൽകിയിരുന്നു.
2022 ഡിസംബറിലാണ് ഈ അപേക്ഷ നൽകിയത്. ഈ അപേക്ഷ ദേവസ്വം അംഗീകരിക്കുകയും വിവാഹം നടക്കുകയും ചെയ്തിരുന്നു. ഈ സാഹചര്യത്തിലാണ് രാത്രിയും വിവാഹം നടത്താൻ ദേവസ്വം കൂടിയാലോചനകൾ നടത്തിയത്.
Discussion about this post