കാമുകന്റെ അച്ഛനുമായി പ്രണയത്തിലായ യുവതി ഒളിച്ചോടി. പെൺകുട്ടിയുടെ പരാതിയെ തുടർന്ന് നടത്തിയ അന്വേഷണത്തിൽ ഒരു വർഷത്തിന് ശേഷം ഇരുവരെയും കണ്ടെത്തി. ഉത്തർപ്രദേശിലെ കാൺപൂർ സ്വദേശിയായ യുവതിയാണ് കാമുകന്റെ അച്ഛനുമായി പ്രണയത്തിലായത്.
കഴിഞ്ഞ വർഷമാണ് സംഭവം. കാമുകൻറെ വീട് സന്ദർശിക്കുന്നതിനിടയിലാണ് പെൺകുട്ടി കാമുകന്റെ അച്ഛനെ പരിചയപ്പെടുന്നത്. തുടർന്ന് ഇരുവരും പ്രണയത്തിലായി. ഇതിന് പിന്നാലെയാണ് ഒളിച്ചോടാൻ പദ്ധതിയിട്ടത്. എന്നാൽ പെൺകുട്ടിയെ കാണാതായതോടെ അവളുടെ വീട്ടുകാർ മകളെ തട്ടിക്കൊണ്ടുപോയി എന്ന് ആരോപിച്ച് പോലീസിൽ പരാതി നൽകി.
ഒരു വർഷം നീണ്ട തിരച്ചിലിനും അന്വേഷണത്തിനുമൊടുവിലാണ് ഡൽഹിയിൽ വെച്ച് ഇവരെ കണ്ടെത്തിയത്. പോലീസ് ഇവരെ കസ്റ്റഡിയിലെടുത്തു. എന്നാൽ തന്നെ ആരും തട്ടിക്കൊണ്ട് പോയിട്ടില്ലെന്നും തങ്ങൾ പ്രണയത്തിലാണെന്നും പെൺകുട്ടി പറഞ്ഞു. പെൺകുട്ടിയുടെ വൈദ്യ പരിശോധനകൾ നടത്തിയതിന് ശേഷം ഇരുവരും ഒരുമിച്ച് കാൺപൂരിലേക്ക് മടങ്ങാനാണ് തീരുമാനിച്ചിരിക്കുന്നത്.
Discussion about this post