ഇസ്ലാമാബാദ്: അനുവദിച്ച ഹജ്ജ് ക്വാട്ട സൌദിയ്ക്ക് വിട്ടുകൊടുത്ത് പാകിസ്താൻ.ഹജ്ജ് യാത്രയുമായി ബന്ധപ്പെട്ട് പാകിസ്താൻറെ ചരിത്രത്തിൽ തന്നെ ഇത് ആദ്യ സംഭവമാണ്. സർക്കാർ ക്വാട്ടയിൽ അനുവദിച്ച എണ്ണായിരം സീറ്റാണ് പാകിസ്താൻ സൌദിയ്ക്ക് തന്നെ തിരികെ നൽകിയത്.
ഹജ്ജ് യാത്രയ്ക്കായുള്ള സർക്കാർ സ്‌കീം ക്വാട്ട സൗദി അറേബ്യയ്ക്ക് തിരികെ നൽകിയതായി പാകിസ്താൻ ന്യൂനപക്ഷകാര്യ മന്ത്രാലയം സ്ഥിരീകരിച്ചു.താമസത്തിനായി അധിക തുക സർക്കാർ നൽകേണ്ടിവരുമെന്നതിനാലാണ് സീറ്റ് തിരികെ നൽകിയത്. 24 ദശലക്ഷം ഡോളർ ഇതിനായി പാക് സർക്കാർ നൽകേണ്ടി വരുമായിരുന്നു. സീറ്റ് തിരികെ നൽതിയതോടെ ഈ തുകയാണ് സർക്കാർ ലാഭിച്ചത്.
വർദ്ധിച്ചുവരുന്ന പണപ്പെരുപ്പം മൂലം പാകിസ്താൻ സർക്കാർ നേരിടുന്ന സാമ്പത്തിക ദുരിതങ്ങളിലേക്കാണ് ഇത് വിരൽ ചൂണ്ടുന്നത്. ഹജ്ജ് ക്വാട്ട വർധിപ്പിക്കണമെന്നായിരുന്നു നേരത്തെ പാകിസ്താൻ സർക്കാർ ആവശ്യപ്പെട്ടിരുന്നത്. ഈ വർഷം അനുവദിച്ച സംഖ്യകളിൽ ആളുകളെ ഉൾക്കൊള്ളിക്കാനാവാതെ സീറ്റ് തിരികെ നൽകേണ്ടി വന്ന സാമ്പത്തിക പ്രതിസന്ധിയിലൂടെയാണ് പാകിസ്താൻ കടന്നു പോകുന്നത്.
Discussion about this post