ന്യൂഡൽഹി: ഒരിക്കൽ കൂടി കേദാർനാഥ് സന്ദർശിച്ച് ബോളിവുഡ് നടി സാറാ അലി ഖാൻ. ഭൂമിയിലെ സ്വർഗം എന്ന അടിക്കുറിപ്പോടെ നടി കേദാർനാഥിനെ ചിത്രങ്ങളും പങ്കുവച്ചിട്ടുണ്ട്. ‘ എന്നെ ഞാനാക്കിയതിനും ഈ കാണുന്ന സൗഭാഗ്യങ്ങൾ നൽകിയതിന് നന്ദിയെന്നും സാറാ പറഞ്ഞു. ചിത്രങ്ങളോടൊപ്പം ഭക്തിയുളവാക്കുന്ന കുറിപ്പും താരം സോഷ്യൽ മീഡിയയിൽ പങ്കുവച്ചിട്ടുണ്ട്.
‘ അന്ന് ഞാൻ ആദ്യമായി ഇവിടെ വന്നപ്പോൾ ക്യാമറയെ അഭിമുഖീകരിച്ചിട്ടില്ലായിരുന്നു. എന്നാലിന്ന് ക്യാമറയില്ലാത്ത ഒരു ജീവിതം എനിക്ക് സങ്കൽപ്പിക്കാൻ കഴിയില്ല. എന്നെ ഞാനാക്കിയതിനും എനിക്കുള്ളതെല്ലാം തന്നതിനും കേദാർനാഥിന് നന്ദി. അങ്ങയുടെ അടുത്തേക്ക് വരാൻ വളരെ കുറച്ച് ആളുകൾക്കേ ഭാഗ്യം ലഭിച്ചിട്ടുള്ളൂ. നന്ദി പറയാൻ മാത്രമേ എനിക്ക് സാധിക്കൂ. ഓരോ തവണ ഇവിടെയെത്തുമ്പോഴും നന്ദിമാത്രമാണ് പറയാനുള്ളത്. ജയ് ബോലേനാഥ്’ എന്നാണ് കുറിപ്പ്.
നടി ചിത്രങ്ങൾ പങ്കുവച്ചതിന് പിന്നാലെ വിമർശനവുമായി ഇസ്ലാമിസ്റ്റുകൾ രംഗത്തെത്തി. ഇസ്ലാമിന് നിരക്കാത്ത പ്രവർത്തിയാണെന്നും തെറ്റ് ചെയ്തെന്നും പലരും കുറ്റപ്പെടുത്തി. മുസ്ലീം നാമധാരിയായ സാറ എന്തിന് ക്ഷേത്രദർശനം നടത്തിയെന്നാണ് ചോദ്യം ഉയരുന്നത്. ലാ ലാഹ ഇല്ലല്ലാഹ് എന്നാൽ അല്ലാഹു അല്ലാതെ മറ്റൊരു ദൈവമില്ല, ഇതാണ് ഇസ്ലാമിൻ്റെ അടിസ്ഥാനം, ഒന്നുകിൽ നിങ്ങൾക്ക് മുസ്ലീമോ അമുസ്ലീമോ ആകാം, മുസ്ലീമായിരിക്കുമ്പോൾ മായിരിക്കുമ്പോൾ നിങ്ങൾക്ക് അമുസ്ലീം ആകാൻ കഴിയില്ല, ഇതാണ്. അതിനെ ശിർക്ക് എന്ന് വിളിക്കുന്നു, ശിർക്കിന് മാപ്പില്ലെന്ന് ഒരാൾ കുറ്റപ്പെടുത്തി.
സാറ ഒരു ഹിന്ദു ക്ഷേത്രം സന്ദർശിക്കുന്നത് ഇസ്ലാമിനോടും മുസ്ലീങ്ങളോടും അനാദരവാണ്., “. അവളെ പിന്തുണയ്ക്കുന്നത് നിർത്തുകയെന്ന് മറ്റൊരു ഇസ്ലാമിസ്റ്റ് ആവശ്യപ്പെട്ടു. മറ്റൊരാൾ സാറയോട് സനാതന മതം ആചരിക്കുന്നതിനാൽ അവളുടെ പേരിൽ നിന്ന് “അലി” നീക്കം ചെയ്യാൻ ഉപദേശിച്ചു,
ഇതിന് മുൻപും സാറ ക്ഷേത്രദർശനം നടത്തിയപ്പോൾ സൈബർ ആക്രമണവുമായി മതമൗലികവാദികൾ രംഗത്തെത്തിയിരുന്നു. എന്നാൽ താരം ഇതൊന്നും മുഖവിലയ്ക്കെടുത്തിരുന്നില്ല.
Discussion about this post