ഇസ്ലാമാബാദ്: തന്നെ അറസ്റ്റ് ചെയ്തതിന് പിന്നാലെ രാജ്യത്ത് സർക്കാർ നേരെ ഉണ്ടായ ആക്രമണങ്ങൾ സർക്കാർ സ്പോൺസർ ചെയ്തതാണെന്ന ആരോപണവുമായി പാക് മുൻ പ്രധാനമന്ത്രിയും പിടിഐ നേതാവുമായ ഇമ്രാൻ ഖാൻ. തന്റെ പാർട്ടിക്കാരെല്ലാവരും സമാധാനപരമായിട്ടാണ് പ്രതിഷേധിച്ചത്. ജനാധിപത്യപരമായ പാർട്ടിയാണിത്. വിഷയത്തിൽ സുതാര്യമായ അന്വേഷണം നടത്തണണെന്നും ഇമ്രാൻ ഖാൻ ആവശ്യപ്പെട്ടു.
” സർക്കാർ കെട്ടിടങ്ങൾക്ക് നേരെയുണ്ടായ ആക്രമണങ്ങളിൽ വിശദമായ അന്വേഷണം നടത്തണമെന്നാണ് ഞാൻ ആവശ്യപ്പെടുന്നത്. അക്രമികളെ വെളിച്ചത്ത് കൊണ്ടുവരണം. പിടിഐ പ്രവർത്തകരെ കുടുക്കാൻ സർക്കാർ വ്യക്തമായ ഉദ്ദേശത്തോടെയാണ് ആക്രമണങ്ങൾ നടത്തിയത്. ഞങ്ങൾ സമാധാനത്തിന്റെ പാതയിലൂടെയാണ് മുന്നേറിയത്. സർക്കാർ വളരെ വ്യക്തമായി ആലോചിച്ച് ഉണ്ടാക്കിയ പദ്ധതികളാണ് ഇതെല്ലാം.
എന്റെ വീട്ടിൽ തീവ്രവാദികളുണ്ടെന്നാണ് അവർ പറയുന്നത്. ഈ പേരും പറഞ്ഞ് അവർ ബലപ്രയോഗങ്ങൾ നടത്തുകയും കുഴപ്പങ്ങളുണ്ടാക്കുകയുമാണ്. ഇതിനെല്ലാം പകരമായി എന്നെ അറസ്റ്റ് ചെയ്യണമെന്നാണ് ഞാൻ അവരോട് ആവശ്യപ്പെടുന്നതെന്നും” ഇമ്രാൻ ഖാൻ പറഞ്ഞു.
Discussion about this post