കീവ്: റഷ്യയ്ക്ക് ഡ്രോണുകൾ വിതരണം ചെയ്യാനുള്ള ഇറാന്റെ തീരുമാനത്തിനെതിരെ രൂക്ഷവിമർശനവുമായി യുക്രെയ്ൻ പ്രസിഡന്റ് വൊളോഡിമർ സെലൻസ്‌കി. ചരിത്രത്തിന്റെ ഇരുണ്ട വശത്തേക്ക് നീങ്ങുന്നത് തടയാൻ റഷ്യയ്ക്ക് ഡ്രോണുകൾ വിതരണം ചെയ്യാനുള്ള തീരുമാനം പുനഃപരിശോധിക്കണമെന്നും സെലൻസ്‌കി ആവശ്യപ്പെട്ടു.
ഇറാൻ നിർമ്മിത ഷഹെദ് ഡ്രോണുകളാണ് റഷ്യയ്ക്ക് വിതരണം ചെയ്യുന്നത്. നഗരങ്ങൾക്കും നിർമ്മിതികൾക്കും നേരെയുള്ള റഷ്യയുടെ ആക്രമണങ്ങളിൽ നിർണായക പങ്ക് വഹിച്ചിട്ടുള്ളവയാണ് ഇവ. ഇതിൽ 1160ൽ 900 ഡ്രോണുകളും യുക്രെയ്‌നെ ലക്ഷ്യമിട്ടുള്ളതാണെന്ന് സെലൻസ്‌കി ആരോപിച്ചു. എന്ത് ലക്ഷ്യത്തിലാണ് ഇറാൻ റഷ്യയ്ക്ക് ഈ ഡ്രോണുകൾ നൽകുന്നതെന്നും സെലൻസ്‌കി ചോദിച്ചു.
” എന്റെ ചോദ്യം ലളിതമാണ്. റഷ്യൻ ഭീകരതയുടെ പങ്കാളിയാകാൻ ഇറാന്റെ താത്പര്യം എന്താണ്? റഷ്യ നടത്തുന്ന ക്രൂരമായ കൊലപാതകങ്ങളിൽ പങ്കാളിയാകുന്നത് കൊണ്ട് ഇറാന് എന്താണ് പ്രയോജനം ലഭിക്കുന്നത്. നിങ്ങൾ നൽകുന്ന ആയുധങ്ങൾ റഷ്യ യുക്രെയ്‌നെ ആക്രമിക്കുകയാണ്. ചരിത്രത്തിന്റെ ഇരുണ്ട വശത്തേക്കാണ് നിങ്ങൾ നീളുന്നതെന്നും” സെലൻസ്‌കി പറഞ്ഞു. 2022 ഫെബ്രുവരി യുക്രെയ്‌നുമായുള്ള യുദ്ധം ആരംഭിച്ചതിന് പിന്നാലെ റഷ്യ ഇറാനുമായുള്ള സൈനിക സഹകരണം ശക്തിപ്പെടുത്തിയിട്ടുണ്ട്. റഷ്യയ്ക്ക് ഷഹെദ് ഡ്രോണുകൾ നൽകുന്ന കാര്യം ഇറാൻ ആദ്യം നിഷേധിച്ചെങ്കിലും പിന്നീട് ഡ്രോണുകൾ നൽകിയതായി സമ്മതിക്കുകയായിരുന്നു.
Discussion about this post