കണ്ണൂർ : കേരളം വികസനക്കുതിപ്പിലാണെന്ന് മുഖ്യന്ത്രി പിണറായി വിജയൻ. എന്നാൽ ഇത് തകർക്കുകയാണ് കേന്ദ്രത്തിന്റെ ലക്ഷ്യമെന്നും അദ്ദേഹം പറഞ്ഞു. വായ്പയടുക്കാൻ സംസ്ഥാനത്തിന് പരിധി നിശ്ചയിച്ചതിനെ തുടർന്നാണ് മുഖ്യമന്ത്കി കേന്ദ്ര സർക്കാരിനെതിരെ വിമർശനം ഉന്നയിച്ചത്.
”കേരളം വികസന രംഗത്തു കുതിക്കുകയാണ്. ഇതിനെ തകർക്കുകയാണ് കേന്ദ്രസർക്കാർ ലക്ഷ്യം. ഇതിന്റെ ഭാഗമായാണ് വായ്‌പയെടുക്കാൻ സംസ്ഥാനത്തിനു പരിധി നിശ്ചയിച്ചതും സംസ്ഥാനത്തിന്റെ കടത്തിനു നിയന്ത്രണമേർപ്പെടുത്തിയതും.’’- മുഖ്യമന്ത്രി പറഞ്ഞു.
സംസ്ഥാനത്തിന് എടുക്കാവുന്ന വായ്പ കേന്ദ്രം വെട്ടിക്കുറച്ചിരിക്കുയാണ്. 32,500 കോടിരൂപ വായ്പ നൽകാൻ തീരുമാനിച്ചെങ്കിലും പിന്നീട് ഇത് 15,390 കോടി രൂപയായി ചുരുക്കുകയായിരുന്നു. കഴിഞ്ഞ വർഷം 23,000 കോടിരൂപയുടെ വായ്‍‌പയായിരുന്നു അനുവദിച്ചത്.
Discussion about this post