മുംബൈ: മുകേഷ് അംബാനി-നിത അംബാനി ദമ്പതികളുടെ മൂത്ത മകനായ ആകാശ് അംബാനിക്കും ശ്ലോക മേത്തയ്ക്കും രണ്ടാമത്തെ കുഞ്ഞ് പിറന്നു. പെൺകുഞ്ഞിനാണ് ശ്ലോക മേത്ത ജന്മം നൽകിയത്. 2020 ഡിസംബറിലാണ് ദമ്പതികളുടെ ആദ്യത്തെ കുട്ടിയായ പൃത്ഥി ജനിക്കുന്നത്.
അംബാനി കുടുംബത്തിന്റെ വിശ്വസ്തനും സുഹൃത്തുമായ രാജ്യസഭാ എംപി പരിമൾ നത്വാനിയുടെ മകനായ ധനരാജ് നത്വാനിയാണ് കുഞ്ഞ് ജനിച്ച വിവരം ട്വിറ്ററിലൂടെ പങ്ക് വച്ചത്. ആകാശ് അംബാനിയുടെ അടുത്ത സുഹൃത്താണ് ധനരാജ് നത്വാനി. കൊച്ചു രാജകുമാരിയുടെ വരവ് ആകാശിന്റേയും ശ്ലോകയുടേയും ജീവിതത്തിൽ സന്തോഷവും സ്നേഹവും നിറയ്ക്കട്ടെ എന്നും ധനരാജ് കുറിച്ചു.
കഴിഞ്ഞ ആകാശ് അംബാനിക്കും മുകേഷ് അംബാനിക്കും മകൻ പൃത്ഥിക്കുമൊപ്പം ശ്ലോക മുംബൈയിലെ സിദ്ധിവിനായക ക്ഷേത്രത്തിൽ എത്തിയിരുന്നു. ഏപ്രിലിൽ നിത മുകേഷ് അംബാനി കൾച്ചറൽ സെന്ററിന്റെ ഉദ്ഘാടന ചടങ്ങിനിടെയാണ് ശ്ലോകമേത്ത രണ്ടാമതും ഗർഭിണിയാണെന്ന വിവരം പുറത്ത് വിടുന്നത്. കഴിഞ്ഞ വർഷം മുകേഷിന്റേയും നിതയുടേയും മകൾ ഇഷ അംബാനി ഇരട്ടക്കുട്ടികൾക്ക് ജന്മം നൽകിയിരുന്നു.
