പ്രീ വെഡിംഗ് ഷൂട്ടിങുകൾ വ്യത്യസ്തവും വിചിത്രവുമാക്കി സമൂഹമാദ്ധ്യമങ്ങളിൽ പ്രചരിപ്പിക്കുന്നത് ഇപ്പോഴത്തെ വലിയ ട്രെൻറാണ്. വിവാഹത്തിൻറെ പ്രധാന ഭാഗമായി പ്രീ വെഡിംഗ് ഷൂട്ടുകൾ മാറികഴിഞ്ഞു. വിചിത്രമായ ലൊക്കേഷനുകളിൽ ഷൂട്ടിംഗ്, വ്യത്യസ്തമായ വേഷവിധാനം, വ്യത്യസ്ത ആശയം ഇങ്ങനെ പലകാരണങ്ങൾക്കൊണ്ടും പ്രീവെഡിംഗ് വീഡിയോസ് സമൂഹമാദ്ധ്യമങ്ങളിൽ വൈറലാകാറുണ്ട്.
ഇങ്ങനെ വ്യത്യസ്തമായ ആശയത്തോട് കൂടിയുള്ള പ്രീ വെഡിംഗ് ഫോട്ടോ വീഡിയോ സമൂഹമാദ്ധ്യമങ്ങളിൽ വൈറലായിട്ടുണ്ട്. ഇത് ആളുകളെ അമ്പരപ്പിക്കുക മാത്രമല്ല,ഞെട്ടലും ഉളവാക്കുന്നത്..ഒരു ഫോട്ടോ സ്റ്റോറി പോലെയാണ് ഈ പ്രീ വെഡ്ഡിംഗ് ഷൂട്ട് പ്രചരിക്കുന്നത്. വധുവും വരനും പാമ്പും ഉൾപ്പെടുന്ന ഫോട്ടോ ഷൂട്ടാണ് വ്യത്യസ്തമായി സമൂഹമാദ്ധ്യമങ്ങളിൽ എത്തിയിരിക്കുന്നത്.
‘വിവേക്ക്’ എന്ന ട്വിറ്റർ ഉപയോക്താവ് ആണ് പ്രീ വെഡ്ഡിംഗ് ഷൂട്ടിങ്ങിൻറെ ചിത്രങ്ങൾ പങ്കുവെച്ചത്. ഫോട്ടോകളുടെ പരമ്പരയിലൂടെ ഒരു കഥ പറയുന്നതാണ് ഇതിൻറെ പ്രത്യേകത . വരനും വധുവും എങ്ങനെ കണ്ടുമുട്ടുന്നുവെന്നും ഒടുവിൽ പ്രണയത്തിലാകുന്നതെങ്ങനെയെന്നുമാണ് ചിത്രങ്ങളിലൂടെ കഥ പറയുന്നത്. ആദ്യം, ഒരു സ്ത്രീ വീടിന്റെ മുറ്റത്ത് ഉലാത്തുന്നത് കാണാം. അവൾ അവിടെ ഒരു പാമ്പിനെ കാണുന്നു. തുടർന്ന് രക്ഷിക്കാനായി ഒരാളെ വിളിക്കുന്നു. ഈ സമയത്താണ് അവൾ തൻറെ വരനെ കണ്ടുമുട്ടുന്നത്. അവൻ ആദ്യം പാമ്പിനെ കീഴടക്കുന്നു , പിന്നീട് സ്ത്രീയെയും, ഇതാണ് വീഡിയോയുടെ ആശയം .
Discussion about this post