എഐ ക്യാമറയിൽ കുടുങ്ങിയോ എന്ന് നോട്ടീസ് വീട്ടിലെത്തും മുൻപ് അറിയണോ? വഴിയുണ്ട്

സംസ്ഥാനത്ത് എഐ ക്യാമറകളുടെ പ്രവർത്തനം ആരംഭിച്ചുകഴിഞ്ഞു. ഹെൽമെറ്റ്, സീറ്റ് ബേൾട്ട് എന്നിവയില്ലാത്ത യാത്ര ചെയ്യുന്നവർക്കും ഡ്രൈവിംഗിനിടെ ഫോൺ ഉപയോഗം, അമിതവേഗം, സിഗ്നൽ ലംഘനം തുടങ്ങിയ നിയമലംഘനങ്ങൾ നടത്തുന്നവർക്കും ഇനി പണികിട്ടും. വാഹന ഉടമയുടെ പേരിൽ അയയ്ക്കുന്നിൽ നോട്ടീസിൽ ചിത്രം ഉൾപ്പെടെയുള്ള വിവരങ്ങൾ ഉൾപ്പെടുത്തും.

തങ്ങളുടെ വാഹനത്തിന് മോട്ടോർ വാഹനവകുപ്പ് പിഴയിട്ടോ എന്നും എത്രയാണ് പിഴയെന്നുമൊക്കെ എങ്ങനെ നേരത്തെ അറിയാമെന്ന ആശങ്കയിലാണ് വാഹന ഉടമകൾ. നോട്ടീസ് വീട്ടിൽ എത്തുന്നതിന് മുൻപ് തന്നെ ഇതിനെക്കുറിച്ച് അറിയാൻ വഴിയുണ്ടോ എന്ന അന്വേഷണത്തിലാണ് പലരും. എന്നാൽ ഇക്കാര്യങ്ങൾ നേരത്തെ അറിയാൻ വഴിയുണ്ട്. അത് എന്തെല്ലാമാണെന്ന് നോക്കാം.

വെബ്‌സൈറ്റ് വഴി നിയമലംഘനം കണ്ടെത്താം:

* ആദ്യം https://echallan.parivahan.gov.in/ എന്ന വെബ്സൈറ്റ് സന്ദർശിക്കുക
* ചെക്ക് ഓൺലൈൻ സർവീസസിൽ ‘ഗെറ്റ് ചലാൻ സ്റ്റാറ്റസ്’ എന്ന ഓപ്ഷനിൽ ക്ലിക്ക് ചെയ്യുക.
* അപ്പോൾ തുറക്കുന്ന വിൻഡോയിൽ ചലാൻ നമ്പർ, വാഹന നമ്പർ, ഡ്രൈവിംഗ് ലൈസൻസ് നമ്പർ എന്നീ ഒപ്ഷനുകൾ കാണാം. ഇതിൽ വാഹന നമ്പർ ക്ലിക്ക് ചെയ്താൽ വാഹന രജിസ്ഷ്രേൻ നമ്പർ രേഖപ്പെടുത്തുക.
*അതിന് താഴെ എഞ്ചിൽ അല്ലെങ്കിൽ ഷാസി നമ്പർ ടൈപ്പ് ചെയ്യുക.
* ക്യാപ്ച തെറ്റാതെ രേഖപ്പെടുത്തി ഗെറ്റ് ഡീറ്റെയിൽസ് കൊടുത്താൽ നിങ്ങളുടെ വാഹനത്തിന്റെ ചലാൻ വിവരങ്ങളും വാഹനത്തിന്റെ നിയമലംഘനത്തിന് എന്തെങ്കിലും പിഴ ലഭിച്ചിട്ടുണ്ടെങ്കിൽ അതും അറിയാൻ സാധിക്കും.

എം പരിവാഹൻ എന്ന ആപ്പ് വഴിയും ഈ നിയമലംഘനകൾ കണ്ടെത്താം:

* ആദ്യം പ്ലേ സ്‌റ്റോറിൽ നിന്ന് ആപ്പ് ഡൗൺലോഡ് ചെയ്യുക.
* ട്രാൻസ്‌പോർട്ട് മെനുവിൽ ക്ലിക്ക് ചെയ്യുക
*ചലാൻ റിലേറ്റഡ് സർവീസിൽ കയറി ചലാൻ സ്റ്റാറ്റസ് പരിശോധിക്കാം.
* ആപ്പിൽ ആർസി ബുക്കിന്റെ വിവരങ്ങൾ ചേർത്തിട്ടുള്ളവർക്ക് ആർസി നമ്പർ തിരഞ്ഞെടുത്താൽ ചെലാൻ വിവരങ്ങൾ ലഭിക്കും.
*ഇല്ലെങ്കിൽ വാഹനത്തിന്റെ റജിസ്ട്രേഷൻ നമ്പറും ഒപ്പം എൻജിൻ നമ്പറിന്റെയോ ഷാസി നമ്പറിന്റെയോ അവസാന അഞ്ച് അക്കങ്ങളും നൽകണം.

നിയമലംഘനം നടന്നിട്ടുണ്ടെങ്കിൽ അത് അപ്പോൾ തന്നെ കണ്ടെത്താനാകും. പിഴ അടയ്ക്കുന്ന ഒപ്ഷനും തൊട്ടടുത്ത് തന്നെയുണ്ട്.

*പേ എന്ന ഓപ്ഷനിൽ ക്ലിക്ക് ചെയ്ത് പിഴ അടയ്ക്കാവുന്നതാണ്.