പാലക്കാട്: പ്രസവ ശസ്ത്രക്രിയയ്ക്ക് ശേഷം വയറ്റിൽ പഞ്ഞി മറന്നുവെച്ചതായി പരാതി. പാലക്കാട് പാലന ആശുപത്രിക്കെതിരെ പാലക്കാട് സ്വദേശി ഷബാനയാണ് രംഗത്തെത്തിയത്. ഇത് സംബന്ധിച്ച പരാതി യുവതി, ആരോഗ്യമന്ത്രി വീണ ജോർജിനും ജില്ലാ കളക്ടർക്കും നൽകി.
ഈ മാസം ഒമ്പതാം തിയതിയാണ് ഷബാനയുടെ പ്രസവ ശസ്ത്രക്രിയ നടന്നത്. ശസ്ത്രക്രിയ കഴിഞ്ഞ ഉടൻ തന്നെ വയറുവേദന അനുഭവപ്പെട്ടു. ഉടനെ അത് ഡോക്ടറെ അറിയിച്ചെന്നുമാണ് ഷബാന പറയുന്നത്.
എന്നാൽ, പ്രസവ ശസ്ത്രക്രിയ കഴിഞ്ഞാൽ വയറുവേദന സ്വാഭാവികമാണെന്നും നടക്കുമ്പോൾ വേദന മാറുമെന്നുമായിരുന്നു ഡോക്ടർ പറഞ്ഞത്. തുടർന്ന് ഇന്നലെ ഷബാന ഡിസ്ചാർജായി വീട്ടിൽ എത്തി. ഇന്ന് രാവിലെ മൂത്രമൊഴിച്ചപ്പോൾ പഞ്ഞി പുറത്ത് വന്നുഎന്നാണ് ഷബാന ആരോപിക്കുന്നത്.
Discussion about this post