എറണാകുളം: വിമാന യാത്രയ്ക്കിടെ നടൻ വിനായകൻ മോശമായി പെരുമാറിയെന്ന് പരാതി. പഞ്ചാബിലെ സ്കൂളിൽ ജോലി ചെയ്യുന്ന മലയാളിയായ ജിബി ജെയിംസ് ആണ് നടനെതിരെ പരാതിയുമായി രംഗത്ത് എത്തിയിട്ടുള്ളത്. ഇതുമായി ബന്ധപ്പെട്ട് നൽകിയ ഹർജിയിൽ നടനെ കേസിൽ കക്ഷി ചേർക്കാൻ ഹൈക്കോടതി നിർദ്ദേശിച്ചു.
കഴിഞ്ഞ മാസം 27 നായിരുന്നു പരാതിയ്ക്ക് ആസ്പദമായ സംഭവം ഉണ്ടായത്. ഗോവയിൽ നിന്നും കൊച്ചിയിലേക്കുള്ള യാത്രയ്ക്കിടെയായിരുന്നു നടൻ മോശമായി പെരുമാറിയത് എന്നാണ് ജിബിയുടെ പരാതി. ഇൻഡിഗോ വിമാനത്തിൽ ആയിരുന്നു നടനൊപ്പം ജിബി കൊച്ചിയിലേക്ക് വന്നത്. യാത്രയ്ക്കിടെ വളരെ മോശമായ രീതിയിൽ നടൻ തന്നോട് പെരുമാറുകയായിരുന്നുവെന്ന് ജിബി പറയുന്നു.
വിമാനം ഇറങ്ങിയതിന് പിന്നാലെ തന്നെ നടനെതിരെ ഇൻഡിഗോ എയർലൈൻസിൽ പരാതി നൽകിയിരുന്നു. എന്നാൽ യാതൊരു നടപടിയും അധികൃതർ സ്വീകരിച്ചിരുന്നില്ല. ഇതോടെയാണ് ഹൈക്കോടതിയിൽ ജിബി ഹർജി നൽകിയത്.
Discussion about this post