ന്യൂയോര്ക്ക്: അന്താരാഷ്ട്ര യോഗ ദിനാചരണത്തിൻറെ ഭാഗമായി ന്യൂയോർക്കിലെ യുഎൻ ആസ്ഥാനമായ നോർത്ത് ലോണിൽ പ്രധാനമന്ത്രി നരേന്ദ്ര മോദി യോഗാ സേഷന് നേതൃത്വം നൽകും. യുഎൻ ആസ്ഥാനത്ത് നടക്കുന്ന യോഗ ദിനാചരണത്തിൽ പങ്കെടുക്കാൻ വളരെ ഏറെ ആഗ്രഹത്തോടെ കാത്തിരിക്കുകയാണെന്ന് യുഎൻ ജനറൽ അസംബ്ലി (യുഎൻജിഎ) പ്രസിഡന്റ് സിസബ കൊറോസി പറഞ്ഞു.
”യുഎൻ ആസ്ഥാനത്ത് നോർത്ത് ലോണിൽ പ്രധാനമന്ത്രി നരേന്ദ്രമോദിക്കൊപ്പം 9-ാമത് അന്താരാഷ്ട്ര യോഗാ ദിനാചരണത്തിൽ പങ്കെടുക്കാൻ ഞാൻ കാത്തിരിക്കുകയാണ്.” തന്റെ ഔദ്യോഗിക ട്വിറ്റർ ഹാൻഡിൽ, സിസബ കൊറോസി പറഞ്ഞു,
ന്യൂയോർക്കിലെ യുഎൻ സെക്രട്ടേറിയറ്റിൽ പ്രധാനമന്ത്രി നരേന്ദ്ര മോദി യോഗ സെഷൻ നയിക്കുമെന്ന് ഇന്ത്യയിലെ യുഎൻ റെസിഡന്റ് കോർഡിനേറ്റർ ഷോംബി ഷാർപ്പ് പറഞ്ഞു. അന്താരാഷ്ട്ര യോഗ ദിനം പ്രാബല്യത്തിൽ വന്നതോടെ ലോകത്തിലെ എല്ലാവർക്കും യോഗയുടെ പ്രാധാന്യം മനസ്സിലാക്കാൻ സാധിച്ചുവെന്നും അദ്ദേഹം വ്യക്തമാക്കി.
യുഎൻ പൊതുസഭയുടെ 69-ാമത് സെഷന്റെ ഉദ്ഘാടന വേളയിൽ പ്രധാനമന്ത്രി മോദിയാണ് ഈ നിർദ്ദേശം ആദ്യമായി അവതരിപ്പിച്ചത്, “നമ്മുടെ പുരാതന പാരമ്പര്യത്തിൽ നിന്നുള്ള അമൂല്യമായ സമ്മാനമാണ് യോഗ, മനസ്സിന്റെയും ശരീരത്തിന്റെയും ചിന്തയുടെയും പ്രവർത്തനത്തിന്റെയും ഐക്യമാണ് യോഗ. നമ്മുടെ ആരോഗ്യത്തിനും ക്ഷേമത്തിനും വിലപ്പെട്ട ഒരു സമഗ്രമായ സമീപനം. യോഗ എന്നത് വ്യായാമം മാത്രമല്ല; നിങ്ങളുമായും ലോകവുമായും പ്രകൃതിയുമായും ഏകത്വബോധം കണ്ടെത്താനുള്ള ഒരു മാർഗമാണിത്, പ്രധാനമന്ത്രി പറഞ്ഞു.
Discussion about this post