കോട്ടയം: സംസ്ഥാനത്ത് ഡോക്ടർക്ക് നേരെ വീണ്ടും അതിക്രമം. കോട്ടയത്ത് പിജി ഡോക്ടർക്ക് നേരെയാണ് കയ്യേറ്റ ശ്രമം ഉണ്ടായത്. ഏറ്റുമാനൂർ പോലീസ് വൈദ്യപരിശോധനയ്ക്ക് എത്തിച്ച രോഗി ഡോക്ടറെ ആക്രമിക്കാൻ ശ്രമിക്കുകയായിരുന്നു. പുലർച്ചെ കോട്ടയം മെഡിക്കൽകോളേജിൽ വച്ചാണ് സംഭവം. അത്യാഹിത വിഭാഗത്തിൽ ഡ്യൂട്ടിയിൽ ഉണ്ടായിരുന്ന ഡോക്ടർക്ക് നേരെയാണ് അതിക്രമം ഉണ്ടായത്.
പുലർച്ചെ രണ്ടുമണിയോടെയാണ്പോലീസ് രോഗിയെയും കൊണ്ട് ഡോക്ടർക്ക് അരികെ എത്തിയത്. വന്ന സമയം മുതൽ ബഹളം വെക്കുകയായിരുന്നു രോഗിയെന്ന് ഡോക്ടർ പറയുന്നു. ആക്രമിക്കാൻ ശ്രമിച്ചപ്പോൾ ആശുപത്രി ജീവിക്കാർ വന്ന് കെട്ടിയിട്ടതിന് ശേഷം ഡോക്ടർ പരിശോധിക്കാൻ ശ്രമിച്ചപ്പോൾ, രോഗി അസഭ്യം പറയാൻ തുടങ്ങി.ബലാത്സംഗം ചെയ്യുമെന്നും കൊലപ്പെടുത്തുമെന്നും രോഗി ഭീഷണി മുഴക്കി. പരാതിപ്പെട്ടതോടെ പോലീസും മറ്റ് ജീവനക്കാരും സമീപത്ത് എത്തി. ഈ സമയവും രോഗി അസഭ്യവർഷം തുടർന്നു.
പോലീസിൽ പരാതി നൽകിയിട്ടും നടപടി വൈകിയെന്ന് ഡോക്ടർ പറഞ്ഞു.സംഭവത്തിൽ ഗാന്ധി നഗർ പോലീസ് വനിത ഡോക്ടറുടെ മൊഴിയെടുക്കുകയാണ്.
Discussion about this post