കൊച്ചി: വൻ താരപ്പകിട്ടിൽ വോയ്സ് ഓഫ് സത്യനാഥൻ സിനിമയുടെ ട്രെയ്ലർ ലോഞ്ച് ചെയ്തു. കൊച്ചി ക്രൗൺ പ്ലാസയിൽ നടന്ന ചടങ്ങിൽ നടൻ മമ്മൂട്ടിയാണ് ട്രെയ്ലർ ലോഞ്ച് ചെയ്തത്. ചിത്രത്തിൽ നായകനായ ദിലീപ് ഉൾപ്പെടെ നിരവധി താരങ്ങളും സംവിധായകരും നിർമാതാക്കളും പരിപാടിക്ക് എത്തിയിരുന്നു. മമ്മൂട്ടിയും ദിലീപും ഒരേ വേദിയിൽ എത്തിയത് ആരാധകർക്കും ആവേശമായി.
ജൂലൈ 14 നാണ് വോയ്സ് ഓഫ് സത്യനാഥൻ തിയറ്ററിലെത്തുക. ഇടവേളയ്ക്ക് ശേഷം റാഫി -ദിലീപ് കൂട്ടുകെട്ടിൽ എത്തുന്ന ചിത്രമെന്ന പ്രത്യേകതയുമുണ്ട്. പഞ്ചാബി ഹൗസ്, പാണ്ടിപ്പട, ചൈന ടൗൺ, തെങ്കാശിപ്പട്ടണം, റിംഗ് മാസ്റ്റർ തുടങ്ങിയ ഹിറ്റ് ചിത്രങ്ങൾ സൃഷ്ടിച്ച കൂട്ടുകെട്ടിൽ നിന്ന് പുതിയ സിനിമ വരുന്നത് ദിലീപ് ആരാധകർ വലിയ പ്രതീക്ഷയോടെയാണ് കാത്തിരിക്കുന്നത്.
ജോജു ജോർജ്ജ് ഉൾപ്പെടെയുളളവർ ചിത്രത്തിൽ ശ്രദ്ധേയമായ വേഷങ്ങൾ ചെയ്യുന്നുണ്ട്. സംവിധായകരായ സിദ്ദിഖ്, സിബി മലയിൽ, ബി ഉണ്ണികൃഷ്ണൻ തുടങ്ങിയവരും ദിലീപിന്റെ ആദ്യകാല ചിത്രങ്ങളുടേത് ഉൾപ്പെടെ നിർമാതാക്കളുടെ വലിയ നിരയുമാണ് ട്രെയ്ലർ ലോഞ്ചിന് എത്തിയത്. മമ്മൂട്ടിയും ദിലീപും വേദിയിൽ എത്തിയതോടെ ദിലീപ് ഫാൻസുകാരിൽ നിന്ന് നിറഞ്ഞ കൈയ്യടി ഉയർന്നു.
ബാദുഷ എൻഎം, ഷിനോയ് മാത്യു, രാജൻ ചിറയിൽ എന്നിവരാണ് നിർമാതാക്കൾ. സ്വരൂപ് ഫിലിപ്പ് ആണ് വോയ്സ് ഓഫ് സത്യനാഥന്റെ ഛായാഗ്രഹണം. അങ്കിത് മേനോൻ ആണ് സംവിധാനം.
Discussion about this post