ന്യൂയോർക്ക്: ന്യൂയോർക്കിൽ ദീപാവലി ദിവസം സ്കൂൾ അവധിയായി പ്രഖ്യാപിച്ച് മേയർ എറിക് ആഡംസ്. പ്രദേശത്തെ ജനങ്ങളുടെ വലിയൊരു ആവശ്യമാണ് ഇന്നോടെ പൂർത്തിയായതെന്ന് അദ്ദേഹം പറഞ്ഞു. ഗവർണർ ഈ തീരുമാനത്തിൽ ഒപ്പ് വയ്ക്കുന്നതോടെ അവധി പ്രാബല്യത്തിൽ വരും. ഗവർണർ കാത്തി ഹോച്ചുൾ ബില്ലിൽ ഒപ്പുവക്കുമെന്ന് തനിക്ക് ആത്മവിശ്വാസമുണ്ടെന്ന് മേയർ പറഞ്ഞു.
സ്കൂൾ അവധി കലണ്ടർ പ്രകാരമുള്ള ‘ബ്രൂക്ലിൻ-ക്വീൻസ് ഡേ’ എന്ന അവധി പകരമായിരിക്കും ദീപാവലി ദിവസം അവധി നൽകുന്നത്. ദീപാവലി ദിവസം സ്കൂൾ അവധി ദിവസമാക്കാനുള്ള പോരാട്ടം വിജയം കണ്ടതിൽ അഭിമാനമുണ്ടെന്ന് ന്യൂയോർക്ക് സ്റ്റേറ്റ് അസംബ്ലി അംഗം ജെനിഫർ രാജ്കുമാർ ട്വീറ്റ് ചെയ്തു. ഈ വർഷം നവംബർ 12നാണ് ദീപാവലി ആഘോഷം നടക്കുന്നത്.
Discussion about this post