വാഷിംഗ്ടൺ: സിനിമ പ്രേമികൾ ഏറെ ആകാംഷയോടെ കാത്തിരിക്കുന്ന ചിത്രമാണ് ക്രിസ്റ്റഫർ നോളന്റെ ഓപ്പൺഹൈമർ. ആറ്റം ബോംബിന്റെ പിതാവായ ജൂലിയസ് റോബർട്ട് ഓപ്പൺഹൈമറുടെ ജീവിത കഥയാണ് സിനിമയിൽ പറയുന്നത്. പീക്കി ബ്ലൈൻഡേഴ്സിലൂടെ പ്രശസ്തനായ സിലിയൻ മർഫിയാണ് ചിത്രത്തിൽ ഓപ്പൺഹൈമറായി വേഷമിടുന്നത്.
സിനിമയ്ക്ക് വേണ്ടി തയ്യാറെടുക്കാൻ മനസിനെ ഒരുക്കിയത് ഭഗവദ് ഗീത വായിച്ചാണെന്ന് വെളിപ്പെടുത്തിയിരിക്കുകയാണ് സിലിയൻ മർഫി. സിനിമാ നിരൂപക സുചാരിത ത്യാഗിക്ക് നൽകിയ അഭിമുഖത്തിലാണ് ഭഗവദ് ഗീത തനിക്ക് പ്രചോദമായ കാര്യം മർഫി വെളിപ്പെടുത്തിയത്.
‘ സിനിമയ്ക്ക് വേണ്ടിയിലുള്ള തയ്യാറെടുപ്പിൽ ഞാനും ഭഗവദ് ഗീത വായിച്ചിരുന്നു. അത് വളരെ മനോഹരമായ ഒരു പുസ്തകമായിരുന്നു. വളരെയധികം പ്രചോദനം നൽകുന്നതാണ്. ഭഗവദ് ഗീത ഓപ്പൺ ഹൈമറിന് ഒരു ആശ്വാസമായിരുന്നുവെന്ന് എനിക്ക് തോന്നുന്നു. അത്തരമൊന്ന് അദ്ദേഹത്തിന് ആവശ്യമായിരുന്നു. ഭഗവദ് ഗീത ജീവിതകാലം മുഴുവൻ ആ സമാധാനം അദ്ദേഹത്തിന് നൽകിയിട്ടുണ്ടാകണമെന്ന് മർഫി പറഞ്ഞു
Discussion about this post