മലയാളത്തിന് സ്വന്തമായി സൂപ്പർ ഹീറോയെ സമ്മാനിച്ച ബേസിൽ ജോസഫിന്റെ സൂപ്പർ ഹിറ്റ് ചിത്രമാണ് മിന്നൽ മുരളി. ടൊവിനോ തോമസ് പ്രധാന കഥാപാത്രത്തെ അവതരിപ്പിക്കുന്ന സിനിമ റിലീസ് ആയതിന് പിന്നാലെ ലോകശ്രദ്ധയാകർഷിച്ചു. ലോകമെമ്പാടും നിന്നും നിരവധി അവാർഡുകളാണ് സിനിമയെ തേടിയെത്തിയത്.
ഈ സിനിമയ്ക്ക് ഒരു രണ്ടാം ഭാഗവും ഉണ്ടാകുമെന്ന ചർച്ചകൾ സജീവമാണ്. ഇതിനിടെ വൻ പ്രഖ്യാപനവുമായി എത്തിയിരിക്കുകയാണ് സിനിമയുടെ സംവിധായകൻ ബേസിൽ ജോസഫ്‌.
പ്രസിദ്ധമായ സാൻഡിയാഗോ കോമിക് കോണിൽ വെച്ച് മിന്നൽ മുരളിയെ അവതരിപ്പിക്കാനൊരുങ്ങുകയാണ്. ഇത് കൂടാതെ മിന്നൽ മുരളിയുടെ കോമിക് കഥാപാത്രത്തെ വീണ്ടും പ്രേക്ഷകർക്ക് മുന്നിൽ എത്തിക്കും.
പ്രമുഖ കോമിക് മാഗസിനായ ടിങ്കിളിലൂടെ ആണ് മിന്നൽ മുരളി വീണ്ടും എത്തുന്നത്. നടൻ റാണ ദഗ്ഗുബാട്ടിയുടെ സ്പിരിറ്റ് മീഡിയയും സോഫിയാ പോളിന്റെ വീക്കെന്റ് ബ്ലോക്ക്ബസ്റ്റേഴ്സും ചേർന്നാണ് മിന്നൽ മുരളിയുടെ കോമിക് കഥാപാത്രത്തെ വീണ്ടും എത്തിക്കുന്നത്.
Discussion about this post