ഹൈദരാബാദ് :പാതിരാത്രിയിൽ കാമുകിക്ക് പിസയുമായെത്തിയ 20 കാരന് ദാരുണാന്ത്യം. ഹൈദരബാദിലെ ബേക്കറി ജീവനക്കാരനായ മൊഹമ്മദ് ഷൊഹൈബാണ് മൂന്നാം നിലയില്‍ നിന്ന് താഴെ വീണ് മരിച്ചത്.
കാമുകിക്ക് വേണ്ടി വാങ്ങിയ പിസ കാമുകിയുടെ വീടിന്റെ ടെറസിലിരുന്ന് ഒരുമിച്ച് കഴിക്കുന്നതിനിടയിൽ പെണ്‍കുട്ടിയുടെ പിതാവ് വരുന്നത് കണ്ട് ഒളിക്കാന്‍ ശ്രമിക്കുന്നതിനിടെ താഴേക്ക് വീഴുകയായിരുന്നു. ഞായറാഴ്ച രാത്രിയാണ് സംഭവം നടന്നത്. മൂന്ന് നില വീടിന്റെ ടെറസിലേക്ക് ആരോ വരുന്ന ശബ്ദം കേട്ടതിനു പിന്നാലെ കേബിളുകളില്‍ തൂങ്ങി രക്ഷപെടാൻ ശ്രമിക്കുന്നതിനിടെ താഴേക്ക് വീഴുകയായിരുന്നു . വീഴ്ചയില്‍ ഷൊഹൈബിന്റെ കഴുത്തൊടിഞ്ഞു .
അപകടം സംഭവിച്ച ഉടനെ പെണ്‍കുട്ടിയുടെ വീട്ടുകാര്‍ മൊഹമ്മദ് ഷൊഹൈബിന്റെ ബന്ധുക്കളെ വിവരമറിയിക്കുകയായിരുന്നു . ബന്ധുക്കളെത്തിയാണ് യുവാവിനെ ആശുപത്രിയിൽ എത്തിച്ചത്. എന്നാൽ തിങ്കളാഴ്ച പുലർച്ചെയോടെ യുവാവ് മരണത്തിനു കീഴടങ്ങുകയായിരുന്നു . സംഭവത്തില്‍ മൊഹമ്മദ് ഷൊഹൈബിന്റെ പിതാവ് ഷൌക്കത്ത് അലി പോലീസിൽ പരാതി നല്‍കിയിട്ടുണ്ട്.
Discussion about this post