ആലപ്പുഴ: സാവിത്രി അന്തർജ്ജനം (83) ഇനി മണ്ണാറശ്ശാല അമ്മ. വലിയമ്മ ഉമാദേവി അന്തർജ്ജനത്തിന്റെ നിര്യാണത്തെ തുടർന്നാണ് മുറപ്രകാരം മണ്ണാറശ്ശാല അമ്മയായുള്ള സാവിത്രി അന്തർജ്ജനത്തിന്റെ നിയോഗം. ഉമാദേവി അന്തർജ്ജനത്തിന്റെ ഭർതൃസഹോദര പുത്രൻ പരേതനായ സുബ്രമഹ്ണ്യൻ നമ്പൂതിരിയുടെ ഭാര്യയാണ് സാവിത്രി അന്തർജ്ജനം.
ഇന്നലെ രാവിലെയോടെയായിരുന്നു വലിയമ്മ ഉമാദേവി ഉമാദേവി അന്തർജ്ജനം സമാധിയായത്. വാർദ്ധക്യ സഹജമായ അസുഖങ്ങളെ തുടർന്ന് ഏറെ നാളായി അവശയായിരുന്നു. മണ്ണാറശ്ശാല നാഗരാജ ക്ഷേത്രത്തിലെ മുഖ്യ പൂജാരിണി ആയിരുന്നു ഉമാദേവി അന്തർജ്ജനം.
1105 കുംഭത്തിലെ മൂലം നാളിൽ മാങ്ങാനം ചെമ്പകനല്ലൂർ ഇല്ലത്ത് സുബ്രമഹ്മണ്യൻ നമ്പൂതിരിയുടെയും രുക്മണിദേവി അന്തർജ്ജനത്തിന്റെയും മകളായായിരുന്നു വലിയമ്മ ഉമാദേവി ജനിച്ചത്. 1949 ൽ മണ്ണാറശ്ശാല ഇല്ലത്തെ എം.ജി നാരായണൻ നമ്പൂതിരിയുടെ വേളിയായാണ് ഉമാദേവി മണ്ണാറശ്ശാല കുടുംബത്തിലെ അംഗമായത്. വലിയ സാവിത്രി അന്തർജ്ജനത്തിന്റെ വിയോഗ ശേഷം 1993 ഒക്ടോബറിൽ ആയിരുന്നു ഉമാദേവി അന്തർജ്ജനമായി ചുമതലയേറ്റത്. പിന്നീട് 1995 മാർച്ച് 22ന് ആണ് ക്ഷേത്രത്തിൽ പൂജ ആരംഭിച്ചത്. ഉമാദേവി അന്തർജ്ജനത്തിന്റെ സംസ്കാരം രാത്രി വൈകി നടത്തി.
Discussion about this post