ടോക്കിയോ : ജപ്പാനില്‍ വീണ്ടും വന്‍ ഭൂചലനം. റിക്ടര്‍ സ്‌കെയിലില്‍ 6.0 രേഖപ്പെടുത്തിയ ഭൂചലനമാണ് ഉണ്ടായതെന്ന് ജര്‍മന്‍ റിസേര്‍ച്ച് സെന്റര്‍ ഫോര്‍ ജിയോ സയന്‍സസ് വ്യക്തമാക്കി. ജപ്പാനിലെ ഹൊക്കായ്‌ഡോ പ്രദേശത്താണ് ഇന്ന് രാവിലെ 5.44 ന് ഭൂചലനം അനുഭവപ്പെട്ടത്. ഭൂമിയില്‍ നിന്ന് 46 കിലോമീറ്റര്‍ ആഴത്തിലാണ് ഭൂചലനം ഉണ്ടായിരിക്കുന്നത്. ആളപായമോ മറ്റ് നാശ നഷ്ടങ്ങളോ ഇതുവരെ റിപ്പോര്‍ട്ട് ചെയ്യപ്പെട്ടിട്ടില്ല.
അതേ സമയം, വ്യാഴാഴ്ച തുര്‍ക്കിയിലും ഭൂചലനം ഉണ്ടായി. റിക്ടര്‍ സ്‌കെയിലില്‍ 5.2 രേഖപ്പെടുത്തിയ ഭൂചലനമാണ് ഉണ്ടായത്. പ്രാദേശിക സമയം വൈകിട്ട് 8.48 നായിരുന്നു സംഭവം. ഭൂമിയില്‍ നിന്ന് 10.9 കിലോമീറ്റര്‍ ആഴത്തിലാണ് ഭൂചലനത്തിന്റെ ഉറവിടം.
