ന്യൂഡൽഹി : 2024ലെ ലോക്സഭാ തിരഞ്ഞെടുപ്പിൽ പ്രിയങ്ക ഗാന്ധി മത്സരിക്കുമെന്ന് സൂചന നൽകി റോബർട്ട് വാദ്ര. പാർലമെന്റിൽ തന്റെ ഭാര്യ ‘വളരെ നല്ലവളായിരിക്കും’ എന്നാണ് പ്രിയങ്ക മത്സരിക്കും എന്നതിനെ കുറിച്ച് അദ്ദേഹം സൂചന നൽകിയത്. കോൺഗ്രസ് പാർട്ടി അവർക്കായി മികച്ച പദ്ധതികൾ ആസൂത്രണം ചെയ്യുമെന്ന് പ്രതീക്ഷിക്കുന്നതായും വാദ്ര വ്യക്തമാക്കി.
പ്രിയങ്ക ഉറപ്പായും ലോക്സഭയിൽ ഉണ്ടായിരിക്കണം. അതിനുള്ള എല്ലാ യോഗ്യതകളും അവൾക്കുണ്ട്. പാർലമെന്റിൽ അവൾ വളരെ നല്ലവളായിരിക്കും. അവൾ അവിടെ ഉണ്ടായിരിക്കാൻ അർഹയാണ്. കോൺഗ്രസ് പാർട്ടി അവളെ അംഗീകരിക്കുകയും അവർക്കായി കൂടുതൽ നന്നായി ആസൂത്രണം ചെയ്യുകയും ചെയ്യുമെന്നാണ് ഞാൻ പ്രതീക്ഷിക്കുന്നത് എന്നും റോബർട്ട് വാദ്ര വ്യക്തമാക്കി.
പാർലമെന്റിൽ അവിശ്വാസ പ്രമേയ ചർച്ചയ്ക്കിടെ തന്റെ പേര് വ്യവസായ പ്രമുഖൻ ഗൗതം അദാനിയുമായി ബന്ധപ്പെടുത്തി സംസാരിച്ചതിന് കേന്ദ്ര വനിതാ-ശിശു വികസന മന്ത്രി സ്മൃതി ഇറാനിയെയും വാദ്ര വിമർശിച്ചു. താൻ രാഷ്ട്രീയത്തിൽ നിന്ന് വിട്ടുനിൽക്കുകയാണെന്നും എന്നാൽ തന്റെ സൽപേരിന് വേണ്ടി പോരാടാൻ തയ്യാറാണെന്നും അദ്ദേഹം പറഞ്ഞു.
Discussion about this post