അഗളി: അഗളിയ്ക്കടുത്ത് ചിണ്ടക്കിയില്‍ ഇന്നലെ രാത്രി 12.30ഓടെയാണ് യുവാവ് വെടിയേറ്റ് മരിച്ചത്. മുക്കാലിയില്‍ സ്റ്റുഡിയോ നടത്തുന്ന കല്‍ക്കണ്ടി സ്വദേശി ബെന്നിയാണ് മരിച്ചത്. മാവോവാദികളുടെ വെടിയേറ്റാണ് ഇയാള്‍ മരിച്ചതെന്നാണ് പോലിസിന്റെ സംശയം
. വനത്തിനോട് ചേര്‍ന്ന ഭാഗത്ത് വെച്ചാണ് വെടിയേറ്റത്. മീന്‍ പിടിക്കുന്നതിനിടെ ഇവര്‍ക്ക് നേരെ ഒരു ടോര്‍ച്ച് വെളിച്ചം വന്നു. ഇവര്‍ കൈയ്യിലുണ്ടായിരുന്ന ടോര്‍ച്ച് തിരിച്ചടിച്ചപ്പോഴാണ് വെടിവെപ്പ് ഉണ്ടായത്. ബെന്നിയുടെ പിറകിലാണ് വെടിയേറ്റത്. ബെന്നിക്ക് വെടിയേറ്റതോടെ കൂടെയുണ്ടായിരുന്ന കുട്ടായി ഓടി താഴെ ചിണ്ടക്കിയിലെത്തി ആളുകളെയും കൂട്ടി തിരിച്ചെത്തിയപ്പോഴേക്കും ബെന്നി മരിച്ചിരുന്നു.
ശക്തമായ മാവോവാദിസാന്നിധ്യം സംശയിക്കുന്ന സ്ഥലമാണിവിടെ. ആഴ്ചകള്‍ക്ക് മുമ്പ് മാവോവാദികള്‍ മുക്കാലിയിലെ വനംവകുപ്പ് ഓഫീസിന് നേരെ ആക്രമണം നടത്തിയിരുന്നു.
Discussion about this post