ബംഗളൂരു: 24കാരിയായ മലയാളി യുവതിയെ തലയ്ക്കടിച്ച് കൊന്ന സംഭവത്തിൽ കൊല്ലം സ്വദേശിയായ യുവാവ് അറസ്റ്റിൽ. തിരുവനന്തപുരം ആറ്റിങ്ങൾ സ്വദേശിനി പത്മദേവിയാണ് കൊല്ലപ്പെട്ടത്. സംഭവവുമായി ബന്ധപ്പെട്ട് പത്മദേവിക്കൊപ്പം താമസിച്ചിരുന്ന കൊല്ലം സ്വദേശി വൈഷ്ണവിനെ പോലീസ് അറസ്റ്റ് ചെയ്തു.
ബംഗളൂരു ബേഗൂരിന് അടുത്തുള്ള ന്യൂ മികോല ഔട്ടിലായിരുന്നു ദാരുണ സംഭവം. കുക്കർ കൊണ്ടാണ് യുവതിയെ തലയ്ക്കടിച്ച് കൊലപ്പെടുത്തിയതെന്ന് പോലീസ് പറഞ്ഞു. സ്വകാര്യ സ്ഥാപനത്തിലെ ജീവനക്കാരായ ഇരുവരും മൂന്നു വർഷമായി ഒരുമിച്ചു കഴിയുകയായിരുന്നു.
കഴിഞ്ഞ ദിവസം രാത്രിയിൽ ഇരുവരും തമ്മിൽ വാക്കുതർക്കമുണ്ടാകുകയും, അതിനിടെ വൈഷ്ണവ് പ്രഷർ കുക്കർ ഉപയോഗിച്ച് പത്മദേവിയുടെ തലയ്ക്ക് അടിക്കുകയുമായിരുന്നു. മൃതദേഹം പോസ്റ്റുമോർട്ടം നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ടുനൽകി.
Discussion about this post