ന്യൂഡൽഹി: സനാതന ധർമ്മത്തെ ഉന്മൂലനം ചെയ്യണമെന്ന ഉദയനിധി സ്റ്റാലിന്റെ പരാമർശത്തെ രൂക്ഷമായ ഭാഷയിൽ വിമർശിച്ച് ബിജെപി. ഉദയനിധിയുടെയും ഹിറ്റ്ലറുടെയും ഭാഷ്യം ഒരുപോലെയാണെന്ന് ബിജെപി പ്രതികരിച്ചു. ട്വിറ്ററിലൂടെയായിരുന്നു പ്രതികരണം.
ഉദയനിധി സ്റ്റാലിന്റെ സനാതന ധർമ്മത്തോടുള്ള കാഴ്പ്പാടും ഹിറ്റ്ലർക്ക് ജൂതന്മാരോടുള്ള കാഴ്ചപ്പാടും ഒരുപോലെയാണ്. ഹിറ്റലറുടേത് പോലെ സ്റ്റാലിൻ ജൂനിയറും ആഹ്വാനം ചെയ്യുന്നത് വംശഹത്യയാണ്. സനാതനധർമ്മത്തെ ഉന്മൂലനം ചെയ്യണം എന്നാണ് ഉദയനിധി പറഞ്ഞിട്ടുള്ളത്.
ഉദയനിധി സ്റ്റാലിന്റേത് ഭാരതത്തിലെ 80 ശതമാനത്തോളം വരുന്ന ഹിന്ദുക്കെ കൊലപ്പെടുത്തണമെന്ന ആഹ്വാനം ആണ്. ഇതിന് ഇൻഡ്യ സംഖ്യവും കോൺഗ്രസും പിന്തുണ നൽകുന്നു. ഇതാണ് ഞെട്ടിപ്പിക്കുന്നത് എന്നും ബിജെപി ട്വീറ്റ് ചെയ്തു.
നേരത്തെ ബിജെപി നേതാവും കർണാടക മുൻ മുഖ്യമന്ത്രിയുമായ ബസവരാജ് ബൊമ്മെയും ഉദയനിധിയെ ഹിറ്റ്ലറോട് ഉപമിച്ചിരുന്നു. മലേറിയയുള്ള കൊതുകിന്റത്ര വലിപ്പമുള്ള ചിന്താഗതിയാണ് ഉദയനിധിയുടേത് എന്നായിരുന്നു അദ്ദേഹത്തിന്റെ പ്രതികരണം.
Discussion about this post