ന്യൂഡല്‍ഹി: ഡല്‍ഹിയില്‍ നടക്കാനിരിക്കുന്ന ജി 20 ഉച്ചകോടി തയ്യറെടുപ്പുകള്‍ക്കിടയില്‍ കോണ്‍ഗ്രസ് നേതാക്കളെ പരിഹസിച്ച് ബിജെപിയുടെ ട്വീറ്റ്. ഗ്രാഫിക്‌സ് ഉപയോഗിച്ച് ഉണ്ടാക്കിയ പോസ്റ്ററില്‍ പ്രധാനമന്ത്രിയുടെ വളര്‍ച്ച നോക്കി അസൂയപ്പെടുന്ന കോണ്‍ഗ്രസ് നേതാക്കളെയാണ് കാണിച്ചിരിക്കുന്നത്. വളരെ ഉയരത്തില്‍ തല ഉയര്‍ത്തിപ്പിടിച്ച് അഭിമാനത്തോടെ ജി 20 ഉച്ചകോടിയിലേക്ക് നടന്നടുക്കുന്ന മോദിജിയും അത് നോക്കി ഇരിക്കുന്ന രാഹുല്‍ അമ്മ സോണിയയോട് മമ്മ മിയ! മോദിജി കൂടുതല്‍ ഉയരങ്ങളിലേക്ക് പോകുകയാണല്ലോ എന്ന് പറയുന്നതാണ് പോസ്റ്ററില്‍ ഉള്ളത്. ബിജെപിയുടെ ഔദ്യോഗിക ട്വിറ്റര്‍ അക്കൗണ്ടിലാണ് പോസ്റ്റര്‍ പങ്ക് വച്ചിരിക്കുന്നത്. ചിത്രം സമൂഹ മാദ്ധ്യമങ്ങളില്‍ വൈറലായി കഴിഞ്ഞു.
ജി 20 ഉച്ചകോടി വേദിയില്‍ പ്രധാനമന്ത്രി നരേന്ദ്ര മോദിയുടെ വളര്‍ച്ചയും ദേശീയ അന്തര്‍ദേശീയ തലങ്ങളില്‍ ലോകം അദ്ദേഹത്തെ അംഗീകരിക്കുകയും ചെയ്യുമ്പോള്‍, ഇന്ത്യന്‍ രാഷ്ട്രീയത്തില്‍ തങ്ങളുടെ സാന്നിദ്ധ്യം കുറയുന്നതില്‍ പ്രതിപക്ഷം ഭയപ്പെടുന്നുവെന്നാണ് ചിത്രത്തിന്റെ അടിക്കുറിപ്പായി ബിജെപിയുടെ പരാമര്‍ശം.
സെപ്തംബര്‍ 9 നും 10 നും ന്യൂഡല്‍ഹിയില്‍ നടക്കുന്ന അഭിമാനകരമായ ജി 20 ഉച്ചകോടിയുടെ അധ്യക്ഷസ്ഥാനം വഹിക്കുന്നത് ഇന്ത്യയാണ്. ‘വസുധൈവ കുടുംബകം’ എന്നര്‍ത്ഥത്തില്‍ ‘ഒരു ഭൂമി, ഒരു കുടുംബം, ഒരു ഭാവി’ എന്നതാണ് ഈ വര്‍ഷത്തെ ജി 20 ഉച്ചകോടിയുടെ വിഷയം.
With the stature of Prime Minister Modi growing massively by the day and the world recognising him as a national and international colossus, his opponents are panicking about their shrinking relevance… pic.twitter.com/w50zL4xHVA
— BJP (@BJP4India) September 6, 2023
ആഗോളതലത്തില്‍ ഇന്ത്യ മഹാ ശക്തിയായി വളരുന്നതില്‍ പ്രധാനമന്ത്രിയുടെ നേതൃത്വത്തിനെ വാഴ്ത്തുകയാണ് ലോക രാഷ്ട്രങ്ങള്‍. അതേസമയം, അന്താരാഷ്ട്ര തലത്തില്‍ ഇന്ത്യ ഏറെ ശ്രദ്ധിക്കപ്പെടുന്ന ജി 20 ഉച്ചകോടിയുടെ ഇടയ്ക്ക് പ്രതിപക്ഷ നേതാവ് രാഹുല്‍ ഗാന്ധി ഒരാഴ്ചത്തേ ടൂറിനായി യൂറോപ്പിലേയ്ക്ക് യാത്ര തിരിക്കുകയാണ്. പാര്‍ലമെന്റിന്റെ പ്രത്യേക സമ്മേളനവും വിളിച്ച് ചേര്‍ത്ത സമയത്താണ് രാഹുല്‍ ഗാന്ധിയുടെ യാത്ര. ഇതോടെ ഇന്ത്യന്‍ രാഷ്ട്രീയത്തില്‍ ഗാന്ധി കുടുംബത്തിന്റെ പ്രസക്തി മങ്ങുകയാണെന്നാണ് പോസ്റ്ററിന് മറുപടിയായി സോഷ്യല്‍ മീഡിയയയിലെ പ്രതികരണങ്ങള്‍.
