പോർച്ചുഗലിൽ സാവോ ലോറെൻകോ ഡിബൈറോ നഗരത്തിലെ റോഡിലൂടെ കഴിഞ്ഞ ദിവസം കുത്തിയൊഴുകിയത് 22 ലക്ഷം ലിറ്റർ വൈൻ. ഞായറാഴ്ച പുലർച്ചെയാണ് ഈ അത്യപൂർവ്വ കാഴ്ച നാട്ടുകാരുടെ കണ്ണിൽ പെടുന്നത്. വലിയ വെള്ളപ്പാച്ചിൽ പോലെ റോഡിലൂടെ വൈൻ കുത്തിയൊഴുകുന്നതിന്റെ വീഡിയോ സമൂഹമാദ്ധ്യമങ്ങളിലടക്കം വ്യാപകമായി പ്രചരിക്കുന്നുണ്ട്.
നഗരത്തിലെ ഒരു ഡിസ്റ്റിലറിയിൽ വൈൻ സൂക്ഷിച്ചിരുന്ന ടാങ്ക് അപ്രതീക്ഷിതമായി പൊട്ടിത്തകർന്നതാണ് വൈൻ റോഡിലൂടെ കുത്തിയൊഴുകാൻ കാരണമായത്. 22 ലക്ഷം ലിറ്റർ ശേഷിയുള്ള ടാങ്കാണ് പൊട്ടിപ്പോയത്. സമീപത്തുള്ള പുഴയിലേക്കാണ് ഈ വൈൻ നദി ആദ്യം ഒഴുകിയെത്തിയത്. വൈൻ നദിയിലെ വെള്ളത്തിലേക്ക് ഒഴുകുന്നത് പാരിസ്ഥിതിക പ്രശ്നങ്ങൾക്ക് കാരണമാകുമെന്ന ആശങ്ക ഉയർന്നതോടെ അഗ്നിരക്ഷാസേനയുടെ നേതൃത്വത്തിൽ വൈനിന്റെ ഒഴുക്ക് തിരിച്ച് വിട്ടു.
സംഭവത്തിൽ ടാങ്ക് സ്ഥാപിച്ചിരുന്ന ലെവിറ ഡിസ്റ്റിലറി മാപ്പ് അപേക്ഷയുമായി രംഗത്തെത്തി. നാശനഷ്ടം ഉണ്ടായവർക്ക് നഷ്ടപരിഹാരം നൽകുമെന്നും നിരത്തുകൾ വൃത്തിയാക്കുന്നതിന്റെ ചെലവ് വഹിക്കുമെന്നുമാണ് അധികൃതർ അറിയിച്ചിരിക്കുന്നത്.
The citizens of Levira, Portugal were in for a shock when 2.2 million liters of red wine came roaring down their streets on Sunday. The liquid originated from the Levira Distillery, also located in the Anadia region, where it had been resting in wine tanks awaiting bottling. pic.twitter.com/lTUNUOPh9B
— Butky (@Butky01) September 12, 2023
Discussion about this post