ന്യൂഡൽഹി: ഡ്രോൺ ഉപയോഗിച്ച് പഞ്ചാബിൽ ഒരു ഭീകരനെ ലഷ്കർ ഇ തൊയ്ബ എത്തിച്ചതായി വിവരം. 70 കിലോഗ്രാം വരെ പ്ലേലോയിഡുകൾ വഹിക്കാൻ കഴിയുന്ന ഡ്രോൺ ഉപയോഗിച്ചാണ് ഭീകരനെ ഇന്ത്യന് മണ്ണിലെത്തിച്ചത്. ഇത്തരത്തിൽ ഡ്രോണിൽ പറന്നിറങ്ങുന്ന ഭീകരരുടെ പരിശീലനത്തിന്റെ വീഡിയോ ഒരു ദേശീയമാദ്ധ്യമം പുറത്തുവിട്ടിട്ടുണ്ട്.
പാകിസ്താനിലെ ഷകർഗഡിലുള്ള ഡ്രോൺ പരിശീലനക്യാമ്പിലേതെന്നാണ് വീഡിയോ. ഒരു ഡ്രോണിൽ മനുഷ്യർ തൂങ്ങി യാത്ര ചെയ്യുന്നതും ഭീകരൻ വെള്ളത്തിലേക്ക് വീഴുന്നതുമാണ് വീഡിയോ. മാസങ്ങൾക്ക് മുൻപ് ഒരു ഭീകരനെ ഇത്തരത്തിൽ പഞ്ചാബിലേക്ക് അയച്ചിരുന്നുവെന്നാണ് ഇത് സംബന്ധിച്ച് വിവരം പുറത്ത് വരുന്നത്.
പണം നൽകിയാണ് ഒരാളെ ലഷ്കർ ഇ തൊയ്ബ അയച്ചത്. പഞ്ചാബിൽ സ്ഥിരതാമസമാക്കാനും ചുമതല ഏറ്റെടുക്കാനും ഭീകരസംഘടനാ നേതാക്കൾ നിർദ്ദേശം നൽകിയ പഞ്ചാബിലെ സ്രോതസ്സുകളിൽ നിന്നും ആയുധങ്ങളും മറ്റു വെടിക്കോപ്പുകളും ശേഖരിക്കാനും തീവ്രവാദിക്ക് നിർദ്ദേശം ലഭിച്ചിരുന്നുവെന്നാണ് പുറത്ത് വരുന്ന വിവരം.
Discussion about this post