കണ്ണൂര്: തലശേരി-കുടക് അന്തര്സംസ്ഥാന പാതയില് അഴുകിയ നിലയില് സ്ത്രീയുടെ മൃതദേഹം കണ്ടെത്തി. 18-19 വയസ്സുള്ള യുവതിയുടെ മൃതദേഹമാണ് മടക്കി കൂട്ടി പെട്ടിയില് ഉപേക്ഷിച്ച നിലയില് കണ്ടെത്തിയത്. മൃതദേഹത്തിന് രണ്ടാഴ്ച പഴക്കമുണ്ടെന്നാണ് പോലീസിന്റെ പ്രാഥമിക നിഗമനം. വിരാജ്പേട്ട പൊലീസ് അന്വേഷണം തുടങ്ങി. മാക്കൂട്ടം പെരുമ്പാടി ചുരത്തില് റോഡിനു സമീപത്ത് നിന്നാണ് മൃതദേഹം ലഭിച്ചത്.
കേരള അതിര്ത്തിയായ കൂട്ടുപുഴയില്നിന്ന് 17 കിലോമീറ്റര് മാറി ഓട്ടക്കൊല്ലിക്കു സമീപമാണു മൃതദേഹമടങ്ങിയ നീല ബ്രീഫ് കേസ് കണ്ടെത്തിയതെന്നു പൊലീസ് പറഞ്ഞു. ഇന്ക്വസ്റ്റ് നടത്തി മൃതദേഹാവശിഷ്ടങ്ങള് മോര്ച്ചറിയിലേക്കു മാറ്റി. അമേരിക്കയില്നിന്നുള്ള പുതിയ സ്യൂട്ട് കേസിലാണ് മൃതദേഹം ഉണ്ടായിരുന്നത്. ഇതിനൊപ്പമുണ്ടായിരുന്ന ചുരിദാര് സൂചനയായി കണക്കാക്കിയാണ് നിലവില് പോലീസ് അന്വേഷണം നടത്തുന്നത്.
Discussion about this post