ചണ്ഡീഗഡ്; ഹരിയാനയിലെ പാനിപ്പത്തിൽ കൂട്ടബലാത്സംഗം. മൂന്ന് സ്ത്രീകളെ നാല് പേരടങ്ങുന്ന അജ്ഞാതസംഘം എത്തി ബലാത്സംഗത്തിനിരയാക്കി. കുടുംബാംഗങ്ങളെ കെട്ടിയിട്ട ശേഷമാണ് ക്രൂരത. ഇതരസംസ്ഥാന തൊഴിലാളികളോടാണ് ക്രൂരത.
വീട്ടിലേക്ക് അതിക്രമിച്ച് കയറിയ നാല് പേർ, മൂന്ന് തൊഴിലാളികളായ സ്ത്രീകളുടെ കുടുംബാംഗങ്ങളെ കയർ ഉപയോഗിച്ച് കെട്ടിയിട്ട് ബലാത്സംഗം ചെയ്യുകയായിരുന്നു.ഇവരുടെ പണവും ആഭരണങ്ങളും പ്രതികൾ കവർന്നതായി പോലീസ് പറഞ്ഞു. ആയുധങ്ങളുമായി എത്തിയ സംഘമാണ് അതിക്രമം നടത്തിയതെന്ന് പോലീസ് വ്യക്തമാക്കി.
കൂട്ടബലാത്സംഗം നടന്ന സ്ഥലത്ത് നിന്ന് ഒരു കിലോമീറ്റർ അകലെ ബുധനാഴ്ച രാത്രിയും നടന്ന മറ്റൊരു സംഭവത്തിൽ, രോഗിയായ ഒരു സ്ത്രീയെ ആക്രമിച്ച് കൊലപ്പെടുത്തിയിട്ടുണ്ട്.ഇവരുടെ ഭർത്താവിനും ആക്രമണത്തിൽ പരിക്കേറ്റിട്ടുണ്ട്. ഇഈ രണ്ട് ആക്രമണങ്ങളും ഒരേ സംഘമാണ് നടത്തിയതെന്ന അനുമാനത്തിലാണ് പോലീസ്.
Discussion about this post