സോഷ്യൽമീഡിയയിൽ തിളങ്ങാൻ ആഗ്രഹിക്കുന്നവർക്ക് സന്തോഷവാർത്ത. യൂട്യൂബ് ക്രിയേറ്റ് എന്ന പേരിൽ പുതിയ എഡിറ്റിംഗ് ആപ്പ് പ്രഖ്യാപിച്ച് യൂട്യൂബ്. ആദ്യ ഘട്ടത്തിൽ ഇന്ത്യ,അമേരിക്ക,ഫ്രാൻസ്,യുകെ,സംിഗപ്പൂർ ഉൾപ്പെടെ തിരഞ്ഞെടുക്കപ്പെട്ട രാജ്യങ്ങളിലെ ആൻഡ്രോയ്ഡുകളിൽ ആപ്പ് ലഭ്യമാകും. അടുത്തവർഷത്തോടെ ഐഒഎസിൽ ലഭ്യമാക്കുമെന്ന് കമ്പനി അറിയിച്ചു.ഷോർട്ടസ്, വീഡിയോ നിർമ്മാണം ലളിതവും എളുപ്പവും’ ആക്കുന്നതിനായി രൂപകൽപ്പന ചെയ്തിരിക്കുന്ന ഒരു സൗജന്യ ആപ്പാണ് YouTube ക്രിയേറ്റ് എന്ന് കമ്പനി പറഞ്ഞു.
പ്രിസിഷൻ എഡിറ്റിംഗ്, ട്രിമ്മിംഗ്, ഓട്ടോമാറ്റിക് ക്യാപ്ഷനിംഗ്, വോയ്സ്ഓവർ, ട്രാൻസിഷനുകൾ തുടങ്ങിയ ഫീച്ചറുകൾ പുതിയ ജനറേറ്റീവ് AI- പവേഡ് ആപ്പിൽ ഉൾപ്പെടുത്തും. ടിക് ടോക്കിന് സമാനമായ ബീറ്റ്-മാച്ചിംഗ് സാങ്കേതികവിദ്യയുള്ള റോയൽറ്റി രഹിത സംഗീതത്തിന്റെ ശ്രേണിയിൽ നിന്ന് തിരഞ്ഞെടുക്കാനും ആപ്പ് ഉപയോക്താക്കളെ അനുവദിക്കും.
മൂവായിരത്തോളം യൂട്യൂബ് ക്രിയേറ്റർമാരിൽ നിന്നുള്ള ഫീഡ്ബാക്ക് ഉപയോഗിച്ചാണ് പുതിയ ആപ്പ് രൂപകൽപന ചെയ്തതെന്ന് യൂട്യൂബ് പറയുന്നു. കാലക്രമേണ പുതിയ ഫീച്ചറുകളും പ്രവർത്തനങ്ങളും ചേർക്കുമെന്നും കമ്പനി വാഗ്ദാനം ചെയ്യുന്നു.
ഡ്രീം സ്‌ക്രീൻ എന്ന പേരിൽ ഒരു പുതിയ ഫീച്ചർ പരീക്ഷിക്കാൻ തുടങ്ങുമെന്നും യൂട്യൂബ് പ്രഖ്യാപിച്ചു.ഉപയോക്താവ് കാണാൻ ആഗ്രഹിക്കുന്നത് ടൈപ്പ് ചെയ്ത് നൽകിയാൽ പുതിയ എഐ ടൂൾ ആ വീഡിയോ അല്ലെങ്കിൽ ഇമേജ് പശ്ചാത്തലം സൃഷ്ടിക്കാൻ ഉപയോക്താക്കളെ സഹായിക്കും. അക ടൂളുകൾ വഴി സൃഷ്ടിക്കുന്ന വീഡിയോകൾക്കും യൂട്യൂബിന്റെ കമ്യൂണിറ്റി മാനദണ്ഡങ്ങൾ ബാധകമായിരിക്കും.
