ചെന്നൈ: ഒറ്റ ദിവസം ബാങ്ക് അക്കൗണ്ടിലേക്ക് കോടിക്കണക്കിന് രൂപ എത്തിയതിന് പിന്നാലെ പോലീസിൽ പരാതി നൽകി ടാക്സി ഡ്രൈവർ. ചെന്നൈയിലെ ടാക്സി ഡ്രൈവറായ രാജ്കുമാറിന്റെ അക്കൗണ്ടിലേക്കാണ് 9000 കോടി രൂപ എത്തിയത്. അക്കൗണ്ടിൽ ഇത്ര വലിയ തുക എത്തിയതിന് പിന്നാലെ വിഷയത്തിൽ സമഗ്ര അന്വേഷണം ആവശ്യപ്പെട്ട് രാജ്കുമാർ കമ്മീഷണർക്ക് പരാതി നൽകിയിരുന്നു.
ഈ മാസം ആദ്യമാണ് രാജ്കുമാറിന്റെ അക്കൗണ്ടിലേക്ക് ഈ പണം എത്തുന്നത്. ബാങ്കിന്റെ സാങ്കേതികപ്പിഴവിനെ തുടർന്നാണ് പണം അക്കൗണ്ടിലെത്തിയതെന്നാണ് പ്രാഥമിക വിവരം. പണം എത്തി അരമണിക്കൂറിനുള്ളിൽ തന്നെ തമിഴ്നാട് മർക്കന്റയിൽ ബാങ്ക് അധികൃതർ വിളിച്ച് പണം അബദ്ധത്തിൽ എത്തിയതാണെന്ന് അറിയിച്ചിരുന്നു. ഇതിന് പിന്നാലെ രാജ്കുമാർ 21,000 രൂപ മറ്റൊരു അക്കൗണ്ടിലേക്ക് അയച്ച് നൽകിയിരുന്നു. പിന്നാലെ ബാങ്ക് അധികൃതർ ഭീഷണിപ്പെടുത്തിയെന്ന് കാട്ടി ഇയാൾ വീണ്ടും പോലീസിൽ പരാതി നൽകിയിരുന്നു.
ഒടുവിൽ ഇരു വിഭാഗവും പരസ്പര ധാരണയിലെത്തി പ്രശ്നം അവസാനിപ്പിക്കുകയായിരുന്നു. രാജ്കുമാറിന്റെ അക്കൗണ്ടിൽ നിന്ന് ഈ പണം ബാങ്ക് അധികൃതർ തിരികെ മാറ്റിയിട്ടുണ്ട്.
Discussion about this post