എറണാകുളം: നെടുമ്പാശ്ശേരി വിമാനത്താവളത്തിൽ അടിവസ്ത്രത്തിൽ ഒൡപ്പിച്ച് കടത്താൻ ശ്രമിച്ച സ്വർണം പിടികൂടി. സംഭവത്തിൽ ഒരാളെ എയർ കസ്റ്റംസ് ഇന്റലിജൻസ് കസ്റ്റഡിയിൽ എടുത്തു. ഷാർജയിൽ നിന്നും നെടുമ്പാശ്ശേരിയിൽ എത്തിയ ഷക്കീർ ആണ് പിടിയിലായത്.
സ്വർണം പേസ്റ്റ് രൂപത്തിലാക്കി അടി വസ്ത്രത്തിൽ തേച്ച് പിടിപ്പിച്ചായിരുന്നു കടത്താൻ ശ്രമിച്ചത്. അടിവസ്ത്രത്തിൽ സ്വർണം തേച്ച് പിടിപ്പിച്ച ശേഷം അതിന് മുകളിലായി മറ്റൊന്ന് ധരിച്ചായിരുന്നു ഇയാൾ എത്തിയത്. എന്നാൽ പരിശോധനയിൽ ഇത് കണ്ടെത്തുകയായിരുന്നു. അര കിലോ സ്വർണമാണ് പിടിച്ചെടുത്തത്. ഇതിന്റെ മൂല്യം പരിശോധിച്ചുവരികയാണ്.
സംഭവത്തിൽ ഇയാളെ വിശദമായി ചോദ്യം ചെയ്തുവരികയാണ്. നേരത്തെയും സമാന രീതിയിൽ സ്വർണം കടത്തിയിട്ടുണ്ടോയെന്നതുൾപ്പെടെയുള്ള വിവരങ്ങളാണ് ഇയാളിൽ നിന്നും തേടുന്നത്. അതേസമയം തുടർച്ചയായ മൂന്നാം ദിവസമാണ് നെടുമ്പാശ്ശേരിയിൽ നിന്നും സ്വർണം പിടികൂടുന്നത്. കഴിഞ്ഞ ദിവസം ക്യാപ്‌സ്യൂളുകളാക്കി ഒരു കിലോ സ്വർണം കടത്താൻ ശ്രമിച്ച സ്ത്രീയെ പിടികൂടിയിരുന്നു. ദുബായിൽ നിന്നും എത്തിയ റെജിന മുഹമ്മദ് കുഞ്ഞിനെ ആണ് പിടികൂടിയത്.
Discussion about this post