ഗാസിയാബാദ് : ഭാവി വരനുമൊത്ത് പാര്ക്കിലിരുന്ന യുവതിയെ പൊലീസുകാര് ലൈംഗികമായി ഉപദ്രവിക്കുകയും പണം തട്ടിയെടുക്കുകയും ചെയ്തതായി പരാതി. യുവതിയുടെ പരാതിയില് കോട്വാലി നഗര് പൊലീസ് കേസെടുത്തു. പ്രതികള് നിലവില് ഒളിവിലാണ്.
ഗാസിയബാദിലെ സായ് ഉപവന് പാര്ക്കില് വച്ചാ സെപ്റ്റംബര് പതിനാറിനാണ് സംഭവം. മഫ്തിയിലെത്തിയ പൊലീസ് സംഘം യുവതിയെ ഉപദ്രവിക്കുകയായിരുന്നു. ഉച്ചയ്ക്ക് പന്ത്രണ്ടുമണിയോടെ മൂന്ന് പേരടങ്ങുന്ന സംഘം പാര്ക്കിലെത്തുകയും ഉപഗ്രവിക്കുകയും ചെയ്തതെന്ന് എഫ്ഐആറില് പറയുന്നു. ഉപദ്രവിക്കരുതെന്ന് കൈകൂപ്പിയും മൂവരുടേയും കാലുപിടിച്ചും അപേക്ഷിച്ചുവെന്നും യുവതി മൊഴി നല്കി. എന്നാല് കോണ്സ്റ്റബിളായ രാകേഷ് കുമാര് യുവതിയോട് മോശമായി പെരുമാറുകയായിരുന്നു. മൂന്നുമണിക്കൂറോളം മൂവരും മാറിമാറി തന്നെ മോശമായി സ്പര്ശിച്ചുവെന്നും യുവതി പൊലീസിനോട് പറഞ്ഞു. കൂടാതെ ഭാവിവരനെ പൊലീസ് മര്ദ്ദിക്കുകയും ചെയ്തു.
ഇവരെ തടങ്കലിലാക്കിയ ശേഷം ഭീഷണിപ്പെടുത്തി പതിനായിരം രൂപ സംഘം ആവശ്യപ്പെട്ടു. എന്നാല് കൈയിലുണ്ടായിരുന്നത് ആയിരം രൂപ മാത്രമായിരുന്നതിനാല് അത് നല്കി. പിന്നീട് ഇവരെ സംഘം വിട്ടയയ്ക്കുകയായിരുന്നു. സംഭവത്തിന് ശേഷം അര്ധരാത്രിയില് തന്റെ ഫോണിലേക്ക് പൊലീസ് ഉദ്യോഗസ്ഥര് വിളിച്ചിരുന്നുവെന്നും വീട്ടിലെത്തിയിട്ടുണ്ടെന്നും പറഞ്ഞ് ഭീഷണിപ്പെടുത്തിയതായും യുവതി പരാതിയില് വെളിപ്പെടുത്തി.
ഇതിന് ശേഷവും പൊലീസുകാരുടെ ശല്യം തുടര്ന്നതോടെ യുവതി ഡല്ഹി പൊലീസിന്റെ എമര്ജന്സി നമ്പറില് ബന്ധപ്പെടുകയായിരുന്നു. തുടര്ന്ന് പൊലീസ് ഗാസിയാബാദ് സ്റ്റേഷനുമായി ബന്ധപ്പെട്ടു. കോണ്സ്റ്റബിള് രാകേഷ് കുമാര്, ഹോംഗാര്ഡ് ദിഗംബര്, കണ്ടാലറിയാത്ത മറ്റൊരാള് എന്നിവരാണ് പ്രതികളെന്ന് കണ്ടെത്തി. കോണ്സ്റ്റബിളായ രാകേഷ് കുമാറിനെ സസ്പെന്ഡ് ചെയ്തിട്ടുണ്ടെന്നും ഒളിവിലുള്ള പ്രതികള്ക്കായി തിരച്ചില് ഊര്ജിതമാക്കിയിട്ടുണ്ടെന്നും ഗാസിയാബാദ് അസിസ്റ്റന്റ് കമ്മിഷണര് അറിയിച്ചു.
Discussion about this post