കൊച്ചി: എറണാകുളം റൂറൽ പോലീസിന്റെ അധീനതയിലുള്ള മേഖലകളിൽ പെൺകുഞ്ഞുങ്ങൾക്ക് നേരെ തുർച്ചയായി ലൈംഗിക അതിക്രമമുണ്ടാവുന്നതായി വിലയിരുത്തൽ. ഈ സാഹചര്യത്തിൽ മുൻകരുതലുകളുമായി മുന്നോട്ടു പോവുകയാണ് പോലീസ്. പ്രദേശത്തെ വിവിധ ഭാഷ തൊഴിലാളികളെ ബോധവത്കരിക്കാനാണ് ആദ്യ ശ്രമം.
ഇതിൻറെ ഭാഗമായി ഇന്ന് രാവിലെ പത്ത് മണിക്ക് വിവിധ ഭാഷ തൊഴിലാളികളുടെ ബോധവത്കരണ ക്യാമ്പ് പെരുമ്പാവൂരിൽ നടത്താനാണ് തീരുമാനം. തൊഴിലാളികളെ നിയമത്തെക്കുറിച്ചും ശിക്ഷാ നടപടികളെ കുറിച്ചും ബോധവത്കരണം നൽകാനാണ് പോലീസ് തീരുമാനിച്ചത്.തൊഴിലാളികൾക്ക് ക്യാമ്പിന്റെ ഭാഗമായി വൈദ്യപരിശോധനയും ഏർപ്പെടുത്തും.
അടുത്തിടെ പെൺകുഞ്ഞുങ്ങൾക്കെതിരെ നാല് അതിക്രമങ്ങളാണ് റൂറൽ പൊലീസ് പരിധിയിൽ റിപ്പോർട്ട് ചെയ്തത്. നാല് കേസിലും പ്രതികൾ വിവിധ ഭാഷ തൊഴിലാളികളായിരുന്നു.
Discussion about this post