നടി കാര്ത്തിക നായര് വിവാഹിതയാകുന്നു. കാര്ത്തികയുടെ വിവാഹ നിശ്ചയ ചിത്രങ്ങള് സാമൂഹ്യ മാദ്ധ്യമങ്ങളില് പങ്ക് വച്ചത് അമ്മ രാധാ നായരാണ്. എന്നാല് വരന് ആരെന്നോ മറ്റ് വിവരങ്ങളോ താര കുടുംബം പുറത്ത് വിട്ടിട്ടില്ല.
വിവാഹനിശ്ചയ ചടങ്ങില് നിന്നുള്ള ചിത്രങ്ങള്ക്കൊപ്പം വികാര നിര്ഭഭരമായ കുറിപ്പും അമ്മ പങ്ക് വച്ചു. ‘ഞങ്ങളുടെ മകളെ പുതിയ കുടുംബത്തിലേക്ക് നല്കുകയാണ്. ഇതെത്രത്തോളം അഭിമാനകരമാണെന്ന് പറഞ്ഞറിയിക്കാന് എനിക്ക് കഴിയുന്നില്ല. സന്തോഷവും വിജയകരവുമായ ദാമ്പത്യം നല്കി നിന്നെ ദൈവം അനുഗ്രഹിക്കട്ടെ. നിനക്കായി ഇത്രയും സുന്ദരമായ കുടുംബത്തെ തിരഞ്ഞെടുക്കാന് കഴിഞ്ഞതില് വളരെയധികം സന്തോഷിക്കുന്നു.
വിവാഹം രണ്ട് കുടുംബങ്ങളുടെ സംഗമമാണെന്ന് ഞാന് വിശ്വസിക്കുന്നു. പറഞ്ഞറിയിക്കാന് കഴിയാത്തത്ര സമ്മിശ്ര വികാരങ്ങളോടെയാണ് ഇപ്പോള് എന്റെ ഹൃദയം തുടിക്കുന്നത്. പക്ഷെ അതില് നിറയുന്നത് നിന്റെ സന്തോഷവും സ്നേഹവുമാണ്. കാര്ത്തു നീയാണ് ഒരമ്മയ്ക്ക് ലഭിക്കാവുന്ന ഏറ്റവും നല്ല മകള്. ഇരു കുടുംബത്തിലെയും ഏറ്റവും വലിയ സമ്മാനമാണ് നീ. നീ എനിക്ക് നല്കിയ മനോഹരമായ അനുഭവങ്ങള്ക്ക് നന്ദി’, രാധാ നായര് കുറിച്ചു.
കാര്ത്തിക വിവാഹമോതിരമണിയുന്നതും മാതാപിതാക്കളോടൊപ്പമുള്ള ചിത്രങ്ങളുമാണ് രാധാ നായര് ഇന്സ്റ്റഗ്രാമില് പങ്കിട്ടിരിക്കുന്നത്. എന്നാല് ഇതില് വരന്റെ മുഖം കാണിച്ചിട്ടില്ല. വരന് ആരെന്നോ മറ്റ് വിവരങ്ങളോ നല്കാത്തത് ആരാധകര്ക്കിടയില് ജിജ്ഞാസ വര്ദ്ധിച്ചിച്ചിട്ടുണ്ട്. നിരവധി പേരാണ് ഇരുവര്ക്കും ആശംസകള് അര്പ്പിച്ചത്.
പ്രശസ്ത പഴയ കാല നടിയാണ് കാര്ത്തികയുടെ അമ്മ രാധാ നായര്. കോ എന്ന ചിത്രത്തിലെ നായിക വേഷത്തിലെത്തിലൂടെയാണ് കാര്ത്തിക സുപരിചിതയാകുന്നത്. കമ്മത്ത് ആന്ഡ് കമ്മത്ത്, മകരമഞ്ഞ് തുടങ്ങിയ മലയാളം ചിത്രങ്ങളിലും ശ്രദ്ധേയ വേഷം അവതരിപ്പിച്ചിട്ടുള്ള നടി കുറച്ച് നാളുകളായി ലൈംലൈറ്റില് നിന്ന് അകന്ന് നില്ക്കുകയായിരുന്നു.
Discussion about this post