അഹമ്മദാബാദ്: പ്രായപൂർത്തിയാകാത്ത കുട്ടികളെ പീഡിപ്പിച്ച മദ്രസ അദ്ധ്യാപകൻ അറസ്റ്റിൽ. ജുനഗഡ് സ്വദേശിയായ 25 കാരനാണ് അറസ്റ്റിലായത്. 10 കുട്ടികളെയാണ് ഇയാൾ പീഡനത്തിന് ഇരയാക്കിയത്. സംഭവത്തിൽ ഇയാൾ അദ്ധ്യാപകനായി ജോലി ചെയത മദ്രസയുടെ ട്രസ്റ്റിയെയും അറസ്റ്റ് ചെയ്തിട്ടുണ്ട്.
നിരന്തര പീഡനത്തെ തുടർന്ന് 17 കാരനാണ് മദ്രസ അദ്ധ്യാപകനാണ് ആദ്യം പരാതിയുമായി പോലീസിനെ സമീപിച്ചത്. ഇതിൽ കേസ് എടുത്ത പോലീസ് നടത്തിയ അന്വേഷണത്തിലാണ് ഞെട്ടിക്കുന്ന പീഡന വിവരം പുറത്തറിഞ്ഞത്.
പീഡനത്തിന് ശേഷം ഇയാൾ വിദ്യാർത്ഥികളെ ഭീഷണിപ്പെടുത്തിയിരുന്നു. ഇതേ തുടർന്ന് പലരും പോലീസിൽ പരാതി നൽകാൻ ഭയന്നു. എന്നാൽ മദ്രസ ട്രസ്റ്റിയ്ക്ക് വിദ്യാർത്ഥികൾ പരാതി നൽകിയിരുന്നു. ഇതിൽ അന്വേഷണം നടത്താനോ നടപടി സ്വീകരിക്കാനോ ട്രസ്റ്റി തയ്യാറായില്ല. ഇക്കാര്യം പീഡനത്തിനിരയായ വിദ്യാർത്ഥികൾ പോലീസിനോട് പറഞ്ഞിരുന്നു. ഇതേ തുടർന്നായിരുന്നു ഇയാളെ പോലീസ് അറസ്റ്റ് ചെയ്തത്.
സൂറത്തിൽ ബന്ധുവിന്റെ വീട്ടിൽ ഒളിവിൽ കഴിയുകയായിരുന്നു ഇയാൾ. ഇവിടെ നിന്നുമാണ് ഇയാളെ പിടികൂടിയത്.
ഇതിനിടെ വിദ്യാർത്ഥികളിൽ ഒരാളുടെ മാതാവിന് ഇയാൾ അശ്ലീല സന്ദേശം അയക്കുകയും ചെയ്തിരുന്നു. ഇതിലും പോലീസ് അന്വേഷണം ആരംഭിച്ചിട്ടുണ്ട്. പീഡിപ്പിക്കപ്പെട്ട 10 പേരും ആൺകുട്ടികളാണ്.
