കോഴിക്കോട് : ആര്എസ്എസ് ജനകോടികളുടെ ഹൃദയത്തിലാണുള്ളതെന്നും പിണറായി വിജയന് വിചാരിച്ചാല് അതിനെ തടയാന് സാധിക്കില്ലെന്നും ബിജെപി സംസ്ഥാന അദ്ധ്യക്ഷന് കെ സുരേന്ദ്രന്. ചിലപ്പോള് ക്ഷേത്രപരിസരത്തു നിന്ന് ശാഖ നീക്കാന് പിണറായിക്ക് ആകുമായിരിക്കാം. എന്നാല് ഈ ഗംഗാപ്രവാഹത്തെ ആര്ക്കു തടഞ്ഞു നിര്ത്താനാവുമെന്ന് അദ്ദേഹം ചോദിച്ചു. എതിര്പ്പുകളുള്ളപ്പോഴാണ് സംഘം കൂടുതല് കരുത്തോടെ മുന്നോട്ടുപോകുന്നതെന്നും ബിജെപി സംസ്ഥാന അദ്ധ്യക്ഷന് ഫേസ്ബുക്കില് കുറിച്ചു.
ഫോസ്ബുക്ക പോസ്റ്റിന്റെ പൂര്ണ്ണരൂപം :
കഴിഞ്ഞ മൂന്നു വര്ഷവും വിജയദശമി സാംഘിക്കില് പങ്കെടുക്കാന് കഴിഞ്ഞിരുന്നില്ല പലകാരണങ്ങളാല്. ഇത്തവണ പിണറായി വിജയന് എന്തോ നിരോധനമൊക്കെ ഏര്പ്പെടുത്താന് പോകുന്നു എന്നൊക്കെ കേട്ടു. സംഘം ജനകോടികളുടെ ഹൃദയത്തിലാണ് കുടികൊള്ളുന്നത്. ക്ഷേത്രപരിസരത്തുനിന്ന് നീക്കാനാവുമായിരിക്കും. എന്നാല് ഈ ഗംഗാപ്രവാഹത്തെ ആര്ക്കു തടഞ്ഞു നിര്ത്താനാവും.
കോവിഡ് കാലത്ത് ഓരോ വീടും സംഘ ശാഖകളായിരുന്നു. അടിയന്തിരാവസ്ഥക്കാലത്തുപോലും ഈ ഗംഗാപ്രവാഹം അനുസ്യൂതം അനവരതം മുമ്പോട്ടുതന്നെയാണൊഴുകിയത്. എതിര്പ്പുകളുള്ളപ്പോഴാണ് സംഘം കൂടുതല് കരുത്തോടെ മുന്നോട്ടുപോകുന്നത്. സമാജ ജീവിതത്തിന്റെ ഏതു തുറയിലും നിങ്ങള്ക്ക് സംഘത്തെ കാണാം. ഗോവിന്ദന് മാസ്റ്റര് തന്നെ പറഞ്ഞതുപോലെ സംഘത്തിന്റെ നൂറാം ജന്മദിനം ആവുമ്പോഴേക്കും കേരളത്തിലും സംഘം എത്താത്ത ഒരു ഗ്രാമംപോലുമുണ്ടാവില്ല. ചരൈവേതി ചരൈവേതി.
Discussion about this post