ഹാംഗ്ചൂ: ഏഷ്യൻ ഗെയിംസിന് പിന്നാലെ ഏഷ്യൻ പാരാ ഗെയിംസിലും 100 മെഡൽ നേട്ടവുമായി ഇന്ത്യ. ചരിത്രപരമായ നേട്ടം സ്വന്തമാക്കിയ താരങ്ങളെയും പരിശീലകരെയും ടീം സ്റ്റാഫിനെയും പ്രധാനമന്ത്രി നരേന്ദ്ര മോദി അഭിനന്ദിച്ചു.
ഇത് സമാനതകളില്ലാത്ത സന്തോഷത്തിന്റെ നിമിഷമാണ്. മികവിന്റെയും കഠിനാദ്ധ്വാനത്തിന്റെയും നിശ്ചയദാർഢ്യത്തിന്റെയും വിജയമാണ് നമ്മുടെ കായിക താരങ്ങൾ സ്വന്തമാക്കിയിരിക്കുന്നതെന്ന് പ്രധാനമന്ത്രി എക്സിൽ കുറിച്ചു.
അതുല്യമായ ഈ നേട്ടം നമ്മുടെ ഹൃദയങ്ങളെ അഭിമാനം കൊണ്ട് നിറയ്ക്കുന്നു. നമ്മുടെ അഭിമാനങ്ങളായ കായികതാരങ്ങൾക്ക് ഹൃദയത്തിന്റെ ഭാഷയിൽ അഭിനന്ദനങ്ങൾ അറിയിക്കുന്നു.
ഈ വിജയം എല്ലാവർക്കും പ്രചോദനമാണ്. നമ്മുടെ യുവത്വത്തിന് അസാദ്ധ്യമായി ഒന്നുമില്ലെന്ന് തെളിയിക്കുന്നതാണ് ഈ മഹാവിജയമെന്നും പ്രധാനമന്ത്രി ട്വീറ്റ് ചെയ്തു.
100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes.
This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM
— Narendra Modi (@narendramodi) October 28, 2023
Discussion about this post