ന്യൂഡൽഹി : വ്യാജവാർത്തകൾ പ്രചരിപ്പിക്കുന്നത് കോൺഗ്രസ് പാരമ്പര്യമാണ്. എന്നാൽ അത് പ്രചരിപ്പിച്ച് ജനജീവിതം തകർക്കരുതെന്ന് കർണാടക മുഖ്യമന്ത്രി സിദ്ധരാമയ്യയ്ക്ക് താക്കീതുമായി കേന്ദ്ര മന്ത്രി ഗജേന്ദ്ര സിംഗ് ഷെഖാവത്. വ്യാജവാർത്തകൾ പ്രചരിപ്പിക്കുന്നത് ഒരു മുഖ്യമന്ത്രിയ്ക്ക് യോജിച്ചതല്ലെന്നും അദ്ദേഹം പറഞ്ഞു.
കർണാടകയിൽ കേന്ദ്രസർക്കാർ നൽകുന്ന സാമ്പത്തിക സഹായങ്ങൾ വേണ്ട രീതിയിൽ സംസ്ഥാനത്ത് ഉപയോഗിക്കുന്നില്ല.സംസ്ഥാനത്ത് അടൽ ഭുജൽ യോജനയ്ക്ക് വേണ്ടി 629.54 കോടി രൂപ കേന്ദ്രത്തിൽ നിന്ന് ലഭിച്ചിട്ടുണ്ട്, എന്നാൽ 274.05 കോടി രൂപ മാത്രമാണ് ഇതുവരെ ചെലവഴിച്ചത്.കർണാടകയിൽ നിന്നുള്ള 5 പദ്ധതികൾക്ക് പ്രധാനമന്ത്രി കൃഷി സിഞ്ചായീ യോജന (PMKSY) പ്രകാരം മുൻഗണന നൽകിയിട്ടുണ്ട്. കേന്ദ്ര സഹായമായ 1238.30 കോടിയിൽ 1190.05 കോടി രൂപ ഇതിനകം അനുവദിച്ചിട്ടുണ്ട്.സംസ്ഥാനത്തെ വികസനങ്ങൾക്കായി നിരവധി പദ്ധതികൾ കൊണ്ടുവന്നിട്ടും രാഷ്ട്രീയത്തിന്റെ പേരിൽ പദ്ധതികളോട് കോൺഗ്രസ് സർക്കാർ മുഖം തിരിക്കുകയാണെന്നും അദ്ദേഹം കുറ്റപ്പെടുത്തി.
സംസ്ഥാനത്തെ ജലപ്രശ്നങ്ങൾ കേന്ദ്ര സർക്കാർ പരിഗണിക്കുന്നില്ലെന്ന് മുഖ്യമന്ത്രി സിദ്ധരാമയ്യ കഴിഞ്ഞ ദിവസം സമൂഹ മാദ്ധ്യമമായ ട്വിറ്ററിൽ പോസ്റ്റ് ചെയ്തിരുന്നു. അതിനെ തുടർന്നാണ് കേന്ദ്രമന്ത്രിയുടെ മറുപടി.
Discussion about this post